A Mariña, 22 de outubro de 2024. O próximo 31 de outubro arrinca unha nova iniciativa da Mancomunidade de Concellos da Mariña Lucense: Obradoiros con corazón, destinada a xerar un novo programa de posta en valor da actividade artesanal no destino e atraer un turismo desestacionalizado, mediante a creación de experiencias inmersivas que acheguen ás persoas visitantes e á poboación local á rica tradición artesanal da comarca.
A presidenta da Mancomunidade, Rocío López, explicou que “este novidoso programa levarase a cabo os días 31 de outubro, 2, 3, 9 e 10 de novembro de 2024 como unha primeira experiencia piloto, no marco dos convenios de colaboración da Mancomunidade coa Axencia Turismo de Galicia e coaa Deputación Provincial de Lugo, para o impulso e a promoción do xeodestino e a posta en valor da artesanía coma un recurso único e diferencial”.
Serán un total de seis os obradoiros creativos e participativos, que terán lugar nesas datas.
-Iniciación a cerámica contedora de alimentos con Regal Cerámica, en Viveiro. O 31 de outubro de 17.00 a 19.00 horas para público familiar.
Trátase dun taller para adentrarse no coñecemento da materia prima e a técnica necesaria para elaborar louza de uso cotiá nunha experiencia familiar amena e creativa.
-A animalidade benéfica con Miratú, en Mondoñedo. O 2 de novembro de 11.00 a 13.00 horas para público familiar.
Da man da artesá de lá Vérónica Page realizarase unha obradoiro de inmersión no coñecemento e técnica ancestral das fiandeiras vivindo unha experiencia creativa de fiado na roca de lá virxe (lá de ovella e alpaca) así como tratamento do fieltro. Os/as participantes realizarán as súas propias creacións ou recibirán un recordo dunha experiencia na que a paciencia e a habilidade se dan a man.
-Un garda lentes moi persoal con Raíces Nómadas, en Ribadeo. O 2 de novembro de 17.00 a 19.00 horas para público adulto.
Taller de familiarización coa técnica do deseño e confección en coiro no que as persoas participantes realizarán a súa propia funda para gardar as lentes sen que falte detalle (broche, acabado de bordes, etc) nunha experiencia na que se reivindica a materia prima e técnica artesanal na elaboración das pezas.
-Marioneta co fantástico Taller dos Títeres, en Mondoñedo. O 3 de novembro de 11.00 a 13.00 horas para público familiar.
Inspirado en seres fantásticos e do mundo dos contos, cada quen elixirá un animal ou personaxe que deberá deseñar e crear con materiais reciclados. A proposta representa unha experiencia amena e diferente na que o material reciclado cobra nova vida para levar unha boneca-marioneta de recordo.
-Obradoiro de Kintsugi cos Artesáns do Pasatempo, en Mondoñedo. O 9 de novembro de 11.00 a 13.00 horas para público adulto.
Experiencia baseada na técnica ancestral xaponesa de reparación de obxectos cerámicos con ouro onde se resaltan as cicatrices como as experiencias de vida do obxecto. As persoas participantes familiarizaranse co proceso de reparación mediante dita técnica sendo agasallados co obxecto reparado.
-Obradoiro de Rakú con Esquina Atlántica, en Mondoñedo. O 10 de novembro de 11.00 a 13.00 horas para público adulto.
Trátase dunha experiencia con rakú, técnica xaponesa asociada ao ritual do té, no que as participantes prepararán o seu propio chawan (taza de té) ao estilo xaponés acercándose á técnica do esmaltado e posterior forneado a altas temperaturas.
Rocío López indicou que “a participación nestes obradoiros creativos e participativos contará cun aforo limitado de entre 8 e 10 persoas, o que garante unha experiencia personalizada e única. Será de balde para os asistentes previa inscrición mediante a reserva online habilitada. Cada obradoiro terá unha duración estimada de entre 90 minutos e 2 horas e deberá contar cun mínimo de 5 persoas inscritas para a súa celebración”.
Toda a información e reservas das actividades deste programa pódense consultar na páxina web https://amarinalucense.gal/es/a-marina-obradoiros-con-corazon
Desde a Mancomunidade recordan que este programa de obradoiros creativos e participativos coincide coa celebración de A Mariña. Plans con corazón, ademais do do Outono Gastronómico, sendo oportunidades complementarias e fantásticas para organizar unha viaxe curta a este destino do norte de Galicia ao longo das vindeiras semanas.
Toda a información sobre estas posibilidades que ofrece A Mariña pode atoparse na páxina web: https://amarinalucense.gal/es/outono-na-marina
No acto de presentación, que tivo lugar no Alfar dos Muíños en Mondoñedo, participaron a presidenta da Mancomunidade, Rocío López; Paloma Vázquez, xefa do Servizo de Turismo da Xunta en Lugo; o alcalde e a concelleira de Camiño Norte, Asociacionismo e Participación Cidadá de Mondoñedo, Manuel Otero e Patricia Otero; así como os artesáns protagonistas dos obradoiros.
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasará polos micrófonos de RadioVoz ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
