A Valedora confirma o incumprimento da Xunta co CEIP plurilingüe Castro de Ouro: “Unha situación excepcional que exixe solucións urxentes”, indica
Alfoz, 21 de novembro, 2024. A ANPA do CEIP Castro de Ouro de Alfoz ven de recibir unha notificación da Valedora do Pobo que supón “un respaldo ás reivindicacións que as familias levamos meses defendendo”, indican. Esta resolución recoñece que a Consellería de Educación está incumprindo o Acordo do 10 de xuño de 2009 en materia de agrupamentos e subliña a excepcionalidade da situación do colexio, que urxe unha solución inmediata.
A Valedora do Pobo, tras analizar a denuncia das familias, establece que é necesario cumprir co ratio estipulado no Acordo de Agrupamentos do 2009, que indica que non se pode agrupar alumnado de diferentes ciclos nunha mesma unidade cando o número de estudantes supere os 12. Ademais, engade que, no caso de que a Consellería considere que non é posible aplicar esta norma, deberá xustificar adecuadamente os motivos e remitir á ANPA un informe detallado que analice as circunstancias excepcionais que aconsellan unha decisión diferente.
“Esta resolución supón un respaldo institucional á nosa loita, reforzando a demanda de que o noso centro conte cos recursos necesarios para ofrecer unha educación de calidade”, subliñan desde a ANPA. A Valedora do Pobo dá á Consellería de Educación un prazo dun mes para responder oficialmente a esta resolución.
Desde a ANPA valoran moi positivamente a dilixencia coa que a Valedora do Pobo tratou este asunto, así como a claridade coa que recoñece que a situación do CEIP Castro de Ouro é “excepcional”. “Este termo non é menor e confirma que as condicións actuais do noso colexio están lonxe da normalidade e que, en circunstancias normais, deberiamos contar con máis recursos, en particular con máis persoal docente”, indican as familias.
Este apoio institucional é froito da unidade das familias, da implicación da comunidade educativa e das accións que se levan realizado nos últimos meses, “reforzando o noso convencemento de que a nosa loita está máis xustificada que nunca” subliñan.
Ademais, a propia Valedora indica que a Consellería debe remitir á ANPA un informe detallado, “o que supón un novo escenario no que se nos trata como interlocutor necesario, algo que levamos reclamando da Consellería e que sempre se nos negou”, indican desde a ANPA, recordando a desafortunada actuación da Inspección de Lugo “que solo se presentou no centro para contar os alumnos e non para recibir ás familias nin para ver as necesidades do centro”.
O incumprimento da normativa por parte da Xunta, recoñecido agora pola Valedora do Pobo, pon en evidencia a falta de vontade política para solucionar este problema. “Desde a ANPA esiximos que se adopten as medidas necesarias para corrixir esta situación e que o noso centro recupere a normalidade”, indican.
As familias recalcan que non descansán ata que o CEIP Castro de Ouro conte cos recursos que lle corresponden por dereito, como é o caso dos agrupamnetos, ou por necesidades específicas, como a reposición da especialista en Pedagoxía Terapeutica (PT). “Este respaldo da Valedora do Pobo é un paso máis nesa loita, que continuaremos con firmeza, pero tamén co apoio dunha resolución que evidencia que temos a razón”, conclúen desde a ANPA.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
