Esta colaboración permite avanzar na competitividade e sustentabilidade do sector e acadar unha maior soberanía alimentaria, ademais de atraer novo talento e aportar un maior valor engadido debido ao seu carácter científico
Santiago de Compostela, 4 de novembro de 2024. O conselleiro do Mar, Alfonso Villares, e o Reitor da Universidade de Santiago de Compostela, Antonio López, asinaron este luns dous convenios de colaboración para impulsar a produtividade das rías galegas ata 2026. Trátase de dous proxectos destinados, en primeiro lugar, a analizar a idoneidade da capacidade de carga do cultivo de moluscos, principalmente do mexillón, e, en segundo lugar, á obtención de marcadores moleculares de resistencia á salinidade no berberecho.
En total, o departamento que dirixe Villares, destina a estas dúas actuacións preto de 600.000 euros. Esta colaboración permite avanzar na competitividade e sustentabilidade do sector e acadar unha maior soberanía alimentaria. Reforza, ademais, a aposta polo desenvolvemento científico, tecnolóxico e innovación no ámbito galego mediante a execución de proxectos I+D dentro da comunidade; o que permite, de xeito paralelo, atraer novo talento e aportar un maior valor engadido.
Cultivo do mexillón
No primeiro do casos, o acordo recolle un financiamento plurianual de 413.706 euros, e os traballos desenvolveranse inicialmente nas rías de Arousa e Muros-Noia, por ser as que presentan maior e menor intensidade de explotación acuícola respectivamente, e nas que se realizarán mostraxes das zonas interna, media e externa. No proxecto están implicados o Instituto de Investigación do Medio Acuático para unha Saúde Global (IARCUS) e o centro de investigación CRETUS, ambos os dous dependentes da USC.
O obxectivo central é coñecer o efecto que os polígonos dedicados ao cultivo do mexillón poden ter sobre a calidade e produción do ecosistemas das rías, avaliando tanto o efecto depurador como concentrador de contaminantes químicos, orgánicos e microbianos, así como a súa repercusión sobre a calidade do ambiente sedimentario e da auga, e a dispoñibilidade de recurso alimentario para outras especies.
RESALBER
O segundo, coñecido como RESALBER, levarase a cabo en colaboración coa Federación Provincial de Confrarías de Pescadores de Pontevedra e as de Vilaxoán, Moaña e as que xestionan a lonxa de Campelo. Neste caso, o investimento, tamén de carácter plurianual, é de 174.210 euros.
Esta actuación permitirá identificar marcadores e desenvolver estratexias para a obtención de estirpes de berberecho tolerantes aos descensos de salinidade e conseguir unha produción máis sostible do recurso.
Para o seu desenvolvemento contarase tamén co grupo de investigación Acuigen de xenética aplicada acuicultura e á conservación dos recursos biolóxicos. Situado na Facultade de Veterinaria do Campus de Lugo, está especializado na xenética e xenoma dos moluscos bivalvos.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
