Segundo a información recibida no 112 Galicia por parte dos equipos de extinción, ardeu un alpendre que tiña acumulado no seu interior uns dous camións de leña. O 112 Galicia foi coñecedor do sucedido ás 04:45 horas da madrugada mediante o aviso dun particular que indicaba que estaba ardendo un alpendre situado en A Picañeira, na parroquia de Roás, en Cospeito. Nesta primeira chamada xa indicaba que non había persoas afectadas nin vivendas preto. Desde a sala de operacións do 112, pasouse aviso aos Bombeiros de Vilalba e á Garda Civil. Nestes momentos, o lume está extinguido e están procedendo a arrefriar a zona. Por fortuna, ningunha persoa resultou afectada.
Incendio nun alpendre en Cospeito
Relacionado
-
O Concello de Vilalba sorteará dúas cestas de Nadal no baile do día 22 de decembro
-
A Xunta adxudica as licenzas de practicaxe de buques para, entre outros, Cariño, Burela e Viveiro
-
O PSdeG provincial considera “premeditado e ofensivo” que a Xunta poña en dúbida “o arraigamento” da Feira do Capón de Vilalba
Mariña Marabillosa é un grupo de persoas dos 16 concellos da Mariña que, traballando xuntos dun xeito afeccionado, tentan crear unidade e concordia na comarca. Xuntos realizan un programa de radio afeccionado chamado Mariña Marabillosa, onde entrevistan a persoas da súa comarca, emitíndose cada primeiro sábado de mes nas emisoras de radio locais da Mariña e nas emisoras da cadea Radiofusión. Igualmente, organizan un concurso de fotos para dar a coñecer a comarca e promocionan os negocios da mesma. Programan tamén outras actividades, nas que a unión e a participación da Mariña é a norma. Este pasado venres, 13 de decembro, celebraron a súa cea anual de Nadal no restaurante O Forno, situado no Pazo de Tovar, en San Adriano (Lourenzá). Unha velada entrañable e divertida.
Mariña Patrimonio organiza para o vindeiro luns 16 de decembro unha conferencia na que o doutor en Xeoloxía, Francisco Canosa, presentará os resultados dun proxecto de investigación sobre os metais preciosos na minaría antiga da Mariña. A conferencia terá lugar ás 19.00 horas no Salón de Actos do CENIMA (Foz). O citado proxecto, promovido por Mariña Patrimonio, contou co apoio da área de Cultura da Deputación de Lugo.
Durante a cita, Carlos López asistiu ao ronqueo do atún e á súa preparación, visitou as exposicións dos Patróns Maiores e das mulleres con traballos relacionados co mar e tamén os murais do exterior da confraría. No acto participou o Ministro de Agricultura, Pesca e Alimentación, Luis Planas; a Alcaldesa de Burela e Deputada de Economía, Recadación, Facenda e Especial de Contas, Carmela López; e o Presidente da Confraría de Pescadores de Burela, José Basilio Otero, entre outras autoridades.
Como consecuencia do grave quebranto orzamentario que supuxo a retirada do patrocinador principal, o equipo feminino vese imposibilitado a participar no torneo oficioso Futsal Women's European Champions - Puglia Edition 2024 a celebrar en Italia e organizada polo USD Bitonto Calcio a 5.
Daniel Basanta (5 anos), Daniela Ben (6 anos), Xela Fernández (11 anos) e Aroa Otero (6 anos) que foi a elixida para as felicitacións de Nadal do Concello.
O Centiño representou a súa comedia "A morte morrida" e os veciños responderon, pois recadáronse máis de 600 euros en efectivo, ademais de varias caixas de alimentos. Todo un éxito. "Dá gusto ver como o teatro afeccionado serve para facer a vida máis divertida e, ao mesmo tempo, máis solidaria".
Trala elaboración a pasada fin de semana, agora poderanse ver durante todas as festas na Casa da Cultura e na Casa do Concello.
