Reitera o decidido apoio da Xunta a este sector estratéxico do rural galego, que se plasma mediante a planificación, cunha estratexia específica, a promoción, a protección, a formación, o fomento da remuda xeracional ou a mobilización de terras
Santiago de Compostela, 22 de novembro de 2024. A conselleira do Medio Rural, María José Gómez, definiu hoxe os gandeiros galegos como “garantes dunha parte moi importante da identidade de Galicia” e cualificou o sector leiteiro como “indispensable no económico, pero tamén na variable demográfica e social, para vertebrar e manter poboación no rural”. A conselleira, acompañada por varios altos cargos do seu departamento e pola delegada territorial da Xunta na Coruña, Belén do Campo, pechou o acto de entrega dos VIII Premios á Excelencia Hixiénico-Sanitaria das Explotacións Leiteiras de Leite Cru de Vaca (Exceleite 2024).
Neste evento, Gómez puxo en valor estes galardóns, cos que se recoñece o compromiso dos produtores coa calidade do xeito máis sustentable, así como o seu rigoroso respecto polo benestar animal, sempre procurando a excelencia na súa actividade. Trátase tamén -incidiu a conselleira- de recompensar toda a entrega e sacrificio destes profesionais.
Na súa intervención, a titular de Medio Rural reiterou o decidido apoio da Xunta a este sector estratéxico do rural galego, que se plasma mediante a planificación -cunha estratexia específica-, a promoción, a protección, a formación, o fomento da remuda xeracional ou a mobilización de terras, entre outras actuacións.
Estratexia de dinamización do sector
Así, respecto da Estratexia de dinamización, Gómez puxo de relevo que foi elaborada en consenso cos axentes deste eido e que inclúe ata 125 medidas enfocadas na produción, a industria, os mercados, a cadea de valor a formación e a innovación. Trasladou ademais que está dando os seus froitos, xa que -destacou- “estamos a piques de lograr o obxectivo que nos marcamos, de pasar do 50% da transformación do leite en galicia ata o 75%”.
En materia de promoción, a conselleira puxo en valor os oito millóns de euros que o seu departamento destinará o vindeiro ano para divulgar a excelencia dos produtos agroalimentarios da nosa comunidade, entre eles, de xeito destacado, o leite galego e os seus derivados. No eido da protección, María José Gómez mencionou fitos como o selo de calidade Galega 100% ou as denominacións de orixe protexidas Arzúa-Ulloa, Cebreiro, Queixo Tetilla ou San Simón da Costa, que os consumidores perciben claramente como garantía de calidade.
No ámbito formativo, a conselleira salientou o éxito dos seis centros de formación e experimentación agraria adscritos a Medio Rural, que ofertan un total de 14 ciclos de grao superior e medio. Canto á mobilización de terras, subliñou o importante papel dos instrumentos da Lei de recuperación da terra agraria, que xunto coas parcelarias propiciaron xa a mobilización de máis de 9.500 hectáreas na nosa comunidade.
Remuda xeracional e axudas da PAC
Sobre a remuda xeracional, Gómez destacou que nos últimos anos incorporáronse ao agro uns 5.000 mozos con apoio das axudas xestionadas pola Xunta, que leva investidos preto de 250 millóns de euros nesta tarefa. Asemade, remarcou o feito de que moitas destas incorporacións producíronse en explotacións leiteiras.
Nesta liña, a conselleira fixo tamén fincapé no esforzo do Goberno galego para adiantar a outubro o pago de 45 millóns de euros en concepto de anticipo das axudas da PAC e reiterou que ao longo do mes de decembro faranse efectivos outros 140 millóns desta achegas, claves para garantir a sustentabilidade da actividade agrogandeira.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
