Partido moi competido por parte dos burelenses que se viron sometidos por un impoñente Pozo Murcia
Burela, 1 de novembro, 2024. O conxunto masculino do Pescados Rubén Burela FS afronta o seu segundo partido fóra de casa con outro dos rivais máis duros da categoría nesta 1ª división de futsal, Elpozo Murcia Costa Cálida, no Palacio de Deportes de Murcia, esta noite de defuntos ás 21.00h cun resultado final 4-1.
Na primeira parte moito ritmo e xogo de balón, con moita presión por parte dos locais, sobre todo nos primeiros minutos, e bo aguante dos burelenses que procuran non permitir pasar de media-pista aos murcianos. Tras dúas boas intervencións de Michal, unha no minuto 2 e outra no 5, a dous disparos de Marcel e Ricardo chega o 1-0 tras un erro nunha saída de do porteiro polaco, que deixa a portería soa e perde o balón ante Rafa Santos case a media pista, aproveitando o xogador brasileiro para metela na portería visitante cunha volea. Tras un primeiro tempo morto pedido por David Rial o Pescados Rubén procura buscar un xogo máis ofensivo aínda que custándolle chegar á portería defendida por Juanjo, pero que os obedientes pupilos do técnico santiagués logran manter as súas indicacións durante os próximos minutos, buscando o ataque e conseguindo manter a presión especialmente nos minutos 14 e 15. Tras ver a unha mellor versión do Burela, Daniel Martínez pide tempo morto no minuto no minuto 17 para dirixir aos seus xogadores cara a unha actitude máis conservadora de cara ao descanso. Pero nuns segundos, Felipe métea desde case o bordo da área cun gran disparo que nun primeiro momento parece deter o noso muro polaco, Michal, pero que finalmente se lle escapa das mans excedendo a liña de meta. Téntao Alberto nos últimos segundos desde case a posición do porteiro nun disparo de Araya que non consegue desviar a portería na loita con Juanjo que a saca a córner na última xogada da primeira parte.
Fogoso inicio da segunda parte na que comeza salvando o terceiro Kaluza e case logra marcar o primeiro para os burelenses Juninho tras o despexe de Michal nesa primeira acción da segunda parte. Continúa tentándoo o Burela cun Juninho con máis protagonismo que na primeira parte e que logra chegar a portería nun par de ocasións nos primeiros dous minutos. Pau de Felipe no minuto 22 nun disparo impecable desde a banda dereita e outro máis, esta vez de Gadeia, dous minutos despois. Volve salvar Kaluza sacándoa co pié a córner a un disparo cruzado de David Álvarez no minuto 26. Paradón incrible de Michal que a saca por encima do traveseiro a outro trallazo maxistral de Felipe que se vai de Meira e dispara desde a frontal nunha boísima xogada individual. Chega o terceiro dos locais no 27, esta vez David Álvarez conségueo cun disparo desde o bordo da área tras unha preciosa deixada de Rafa Santos. Continúa o xogo con boas accións por parte de ambos conxuntos manténdose o resultado ata os últimos minutos nos que David Rial opta polo xogo de 5, desde o minuto 35, e revolvendo este final de partido no que se producen dous goles; no 38 o primeiro do Pescados Rubén Burela FS nunha acción de porteiro-xogador na que Juninho a coa recibindo o balón xunto ao pau a un pase de Meira. Segundos despois Marcel aproveita un erro nunha saída de balón de Isma e métea cun tiro imparable desde o bordo da área, sentenciando o partido.
Partido emitido por Teledeporte que ademais tamén retransmitirá o encontro do equipo feminino deste mesmo club, mañá ás 11.00h ante o MRB Móstoles FSF. Sendo os dous partidos emitidos pola cadea pública en Primeira División de Futbol Sala e Primeira División Iberdrola FS este fin de semana.
O vindeiro sábado día 9 o Pescados Rubén Burela FS recibirá na casa, neste duro comezo de tempada en primeira, ao Illes Balears Palma Futsal ás 12.00h.
Ficha Técnica ElPozo Murcia Costa Cálida 4-1 Pescados Rubén Burela FS
El Pozo Murcia Costa Cálida (4): Juanjo; Ricardinho, Marcel, César, Gadeia -quinteto inicial-, Esteban, Marlon, Felipe, Ricardo, Rafa Santos, David Álvarez. Entrenador: Daniel Martínez.
Pescados Rubén Burela FS (1): M.Kaluza; Araya, Rikelme, Isma, Malaguti -quinteto inicial-, Alberto, Quelle, Charly, Pitero, Juninho, Meira. Entrenador: David Rial.
Goles: 1-0, min.2: Rafa Santos. 2-0, min.18: Felipe. 3-0, min.27: David Álvarez. 3-1, min.38: Juninho. 4-1, min.39: Marcel.
Árbitros: Samuel Gabaldón Rico, Óscar Ropero Lara, Adrián Moniño Pedreño, Beatriz Riquelme Rocamora.
TA: César, Rafa Santos, Araya, Meira, Isma, Tulio García (Fisioterapeuta Burela FS)
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
