“Así, denunciamos os retrasos na concesión das licenzas malia que o goberno local as subiu nun 14%”, sinala o voceiro popular, Javier Castileira
Foz, 15 de novembro de 2024. O Partido Popular de Foz traslada o malestar de moitos veciños por non poder empezar as obras pola tardanza dos informes municipais definitivos. “Así, denunciamos os retrasos na concesión das licenzas malia que o goberno local as subiu nun 14%”, sinala o voceiro popular, Javier Castiñeira.
Isto débese ao caos administrativo ao que ten abocado o señor Cajoto ao Concello, que xa denunciaran os populares, pola falta de Secretario e de Interventor o que fai que se envíen os informes xurídicos á Deputación de Lugo e non se concedan as licenzas en tempo e forma. “É incrible que despois de subir as licenzas de obra do 3% ao 3,5% -o imposto continúa nun 2,5 e a taxa pasou do 0,5 ao 1-, o servizo sexa peor e teñamos que esperar polos informes que o Concello lle encarga á Deputación porque levamos meses sen Secretario municipal”, lamenta Javier Castiñeira.
Por exemplo, nunha licenza media dunha vivenda unifamiliar con 180.000 euros de orzamento de execución material, a licenza pasaría de 5.400 euros a 6.300 euros, é dicir, uns 900 euros máis que fai un ano pero con peor servizo como denuncian os veciños.
Isto ocasiona grandes perxuízos aos veciños e familias que están iniciando novos proxectos de vida e, tamén, ao sector da construción que ve como non se inician obras en meses pola falta de xestión municipal do goberno de coalición de socialistas e nacionalistas que está demostrando ser un lastre para Foz.
Suba desproporcionada de impostos e taxas municipais
“Este tema das licenzas de obra é outro dos exemplos da suba desproporcionada dos impostos e taxas municipais que, desde o PP de Foz, denunciamos a principios de ano e que PSOE e BNG aprobaron en pleno naquel “xoves negro” sen garantir que con eses centos de miles de euros de máis que van a recadar se dean mellores servizos”, finaliza o voceiro popular.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
