Outorgaranse dous premios en metálico: un primeiro premio de 250 euros e un segundo premio de 150 euros
Ortigueira, 27 de novembro de 2024. O Concello de Ortigueira publicou as bases do Concurso de Escaparatismo de Nadal 2024-2025, unha iniciativa que busca impulsar as compras nos establecementos locais durante a tempada do Nadal, a través da creatividade e a participación do tecido comercial e hostaleiro do municipio.
O certame está aberto a todos os establecementos comerciais e hostaleiros do municipio que conten con escaparates visibles desde a vía pública e manteñan a súa actividade durante o período do concurso. A inscrición é gratuíta e deberá formalizarse antes do 13 de decembro de 2024, ás 14:30 horas, xa sexa presencialmente nos rexistros municipais ou mediante a sede electrónica do Concello.
Os escaparates participantes deberán estar decorados desde o 16 de decembro de 2024 ata o 6 de xaneiro de 2025. Para fomentar a difusión do evento, pedirase aos establecementos que envíen unha fotografía do seu escaparate, que será publicada nas redes sociais do Concello o 20 de decembro xunto coa lista de participantes.
O xurado estará composto por representantes do Concello, expertos en turismo e patrimonio, así como un membro do sector comercial local. Avaliarán aspectos como orixinalidade, creatividade e capacidade para reflectir o espírito do Nadal. O fallo será anunciado o 13 de xaneiro de 2025 e publicarase no taboleiro de anuncios da Casa do concello, a sede electrónica e as redes sociais do Concello.
Outorgaranse dous premios en metálico: un primeiro premio de 250 euros e un segundo premio de 150 euros. Ademais, o xurado se reserva a posibilidade de conceder mencións especiais para recoñecer a orixinalidade ou o esforzo doutros escaparates participantes.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
