As mariñás sufriron para derrotar a un conxunto catalán no que destacou a gardameta Claudia, que realizou paradas de bela factura
Burela, 30 de novembro, 2024. O conxunto feminino do Pescados Rubén Burela logrou unha apuradísima vitoria (2-1) ante un AE Les Corts UBAE que ofreceu unha grandísima versión en Vista Alegre e marchouse sen premio grazas a un tanto da burelista Carolina Pedreira cando só restaban oito décimas para a conclusión do choque. Este triunfo permítelle ás mariñás seguir na segunda praza presionando a un Futsi Atlético Navalcarnero que segue dous puntos por encima e ao que visita o vindeiro sábado (La Estación, 11 horas, Teledeporte).
A primeira parte foi moi parella, cun conxunto catalán que realizou unha gran posta de longo e un equipo mariñao que foi de menos a máis ao longo dos 20 minutos, pero só atopándose cómodo durante o tramo final deste primeiro período. A exburelista Luci probou a Ana Eliza no primeiro minuto e logo era Cami a que interviña para sacar baixo paus un remate de Martita que se ía para dentro. Patricia, que chegaba con apuros ao segundo pau e non podía rematar ben, e Cilene, cun disparo desde a distancia, dispoñían das primeiras ocasións para as locais.
Unha vez superado o ecuador do primeiro tempo mellorou ostensiblemente o cadro laranxa, que comezou a dispoñer de boas ocasións para adiantarse, aínda que finalmente non concretaría ningunha delas antes do descanso. Patricia tivo as dúas primeiras, primeiro cun disparo que sacaba en dous tempos Claudia e posteriormente nunha acción na que se ía con moita calidade de Laia e resolvía cun disparo no que volvía aparecer a cancerbeira barcelonesa.
De novo Claudia metía un gran pé abaixo no minuto 14 para enviar a córner un disparo con moito perigo de Emilly. Despois gozaba doutra ocasión Patricia, pero remataba moi desviado. O cadro local incrementaba o seu dominio sobre a meta visitante e aumentáballe o traballo á porteira visitante, que realizaba unha dobre intervención á saída dun córner. En primeira instancia despexaba un gran disparo de lonxe de Antía Pérez e despois o rexeite que lle quedaba a Dany. Antes do descanso probaríao Cilene cun disparo raso ante o que volvía meter un bo pé Claudia e a catalá Laia tiña a última do primeiro período para o seu equipo, pero remataba moi desviado.
O segundo tempo comezou cunha gran ocasión das Pícaras, na que Emilly libre de marca remataba rozando o pau da meta catalá. Con todo, o primeiros dez minutos desta segunda entrega non ofreceron demasiadas opcións para ningún dos dous equipos. Tívoa Martita no 26 para as locais, pero soa na área non era capaz de marcar grazas a unha gran intervención de Caridad. Despois era Claudia a que tiña que empregarse a fondo voando para sacar un gran disparo de Carolina.
As catalás obtiñan o premio ao seu bo partido en Vista Alegre co tanto de Helena no minuto 30, que disparaba de lonxe e o seu tiro coábaselle por baixo das mans a unha Caridad que previamente realizara unha grandísima parada ante Paula Guix. A internacional catalá plantábase soa diante da andaluza e esta tocaba o xusto para enviar a córner.
A reacción do cadro local ao gol visitante foi instantánea, xa que practicamente na seguinte acción poñía as táboas nunha gran triangulación entre Débora, Cilene e Emilly. A pichichi da Primeira Iberdrola FS remataba a pracer, soa no segundo pau, e marcaba o primeiro da noite para as laranxas.
Co 1-1, o partido pasou a ser de clara cor laranxa, xa que as discípulas de Julio Delgado dispuxeron de varias ocasións para anotar o segundo. Primeiro era Dany a que remataba ao corpo de Claudia nun man a man e despois era Cami a que enviaba moi alto o balón.
Con pouco máis de tres minutos por xogarse, Cilene entraba coa camiseta de porteira-xogadora e o gol seguía roldando a portería catalá. Emilly, a un minuto da conclusión, atopábase co pau da portería visitante nun disparo cruzado e era Carolina Pedreira a que, a oito décimas do bocinazo final, remataba a pracer un balón sobre a liña. Con 10 segundos por xogarse, a brasileira recibía de Caridad, encaraba a Luci e marchábase da coruñesa cun gran caneo para cederlle a Patricia, que soa na frontal remataba. Claudia desviaba, pero o balón quedaba franco á internacional portuguesa para levar o delirio ás bancadas de Vista Alegre.
Ficha Técnica Pescados Rubén Burela FS 2-1 AE Les Corts UBAE
Pescados Rubén Burela FS (2): Ana Eliza; Cami, Cilene, Emilly, Patricia -quinteto inicial-, Noelia Montoro, Antía Pérez, Dany, Dinha, Carolina Pedreira, Débora e Caridad (ps).
AE Les Corts UBAE (1): Claudia; Laia, Luci, Martita y Laura -quinteto inicial-, Paula Guix, Laura, Aina, Ona e Helena.
Goles: 0-1, min. 30: Helena. 1-1, min. 31: Emilly. 2-1, min. 40: Carolina Pedreira.
Árbitros: Penabad Canel e Vilas López (Colexio Galego). Amoestaron ás locais Dinha e Antía Pérez.
Incidencias: Encontro da duodécima xornada da Primeira Iberdrola FS feminina disputado no pavillón de Vista Alegre diante duns 700 espectadores.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
