Viveiro, 29 de novembro de 2024. O Concello de Viveiro apoia a iniciativa de recollida de firmas e as reivindicacións postas en marcha para reclamar que a Xunta de Galicia asuma os gastos do Conservatorio.
Para colaborar coa petición, instalouse na planta baixa da Casa do Concello unha mesa cos formularios correspondentes, para que a xente que estea a favor da iniciativa a poida asinar.
A alcaldesa María Loureiro sinala que “o Concello leva moito tempo facéndolle esta reivindicación ao Goberno galego por diferentes vías, xa que se trata dun ensino reglado e autonómico, o Concello ten que cumprir e adaptarse a todo o que estipula a Xunta, pero vén asumindo todos os gastos”.
A tenenta de alcaldesa, Miriam Bermúdez, amosou pola súa parte “todo o apoio a estas dúas iniciativas tan necesarias para que a Xunta asuma o que é competencia e responsabilidade súa”, animando á veciñanza a que acuda a asinar a iniciativa.
“O Conservatorio de Viveiro dá un servizo de calidade a centenares de persoas do municipio e da súa contorna, non é de recibo que o Goberno galego ignore deste xeito as súas necesidades”, engadiu Bermúdez.
Os gastos do conservatorio no ano 2023 ascenderon a 1.141.676,22€, dos que 1.097.967,88€ foron gastos de salarios e seguridade social. Os 48.708,94€ restantes foron gastos de electricidade, limpeza ou mantemento.
Por outra banda, os ingresos do conservatorio no ano 2023 ascenderon a 195.086,57. Destes, 103.326,31€ son de matrículas e importes mensuais do alumnado, 76.760,26€ dunha subvención concedida pola Xunta e 15.000€ dunha subvención da Deputación.
No curso 2023-2024 houbo 237 alumnos e alumnas, procedentes, ademais de de Viveiro, de concellos como Alfoz, Burela, Cervo, Foz, Mañón, Mondoñedo, Ortigueira, Ourol, O Valadouro, O Vicedo ou Xove. 27 fixeron o curso preparatorio, 113 o grao elemental e 97 o grao profesional.
Neste curso 2024-2025 hai preto de 250 alumnos, aos que hai que engadir 120 alumnos da Asociación de Adultos do Conservatorio. Ademais, no Conservatorio ensaian a Banda Municipal O Landro e grupos compostos por persoal e alumnado. Hai 16 profesores a xornada completa e 8 profesores con xornada parcial.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
