Foz, 26 de decembro de 2024. O alcalde de Foz, Fran Cajoto, informa que a concelleira nacionalista Zoraida Coira é a nova responsable da xestión da Residencia e Centro de Día de Foz desde o pasado martes, día 24 de decembro. “Cedemos a delegación na Residencia e Centro de Día o pasado 16 de decembro, despois do bloqueo á adxudicación polo acordo de Partido Popular e BNG, a concelleira recibiuna o mesmo día e finalmente asumiuna. O voto negativo á proposta da mesa de contratación, ademais do desprezo ao traballo administrativo de tantos meses, trouxo unhas consecuencias económicas moi negativas para o Concello, en concepto de indemnizacións ás empresas que se presentaron ao concurso e ás facturas mensuais de máis de trinta e un mil euros, que pagamos cos fondos de todos os focegos e nos adebeda a Xunta de Galicia”, indica o rexedor municipal.
Cajoto engade: “tiñamos que superar esta parálise administrativa e agora o BNG ten a oportunidade de levar adiante a xestión que consideren, co compromiso do PSdeG-PSOE de que o único límite estará na legalidade: imos facilitar en todo momento a aprobación dos expedientes conforme ao modelo que plantexen. Hai que poñerse a traballar desde xa, a concelleira Zoraida Coira ten á súa disposición todos os expedientes e as portas dos despachos de Ana Rojo e o meu abertas para todo o que precise”.
O alcalde manifesta tamén: “a pesar das informacións contraditorias do BNG dos últimos días, estamos satisfeitos da rectificación e que a concelleira Zoraida Coira asuma as competencias que ten delegadas. O BNG incumpriu o pacto de goberno, non respectando as decisións e a independencia das áreas. En calquera caso creo que é a nosa obriga superar as disensións e pensar que Foz precisa un goberno progresista que supere os moitos retos que ten. Non lle pedimos nada ao BNG en contrapartida por esta cesión, só que a partir de agora sexa leal ao acordo, vixente para toda a lexislatura. Tampouco imos renegociar en ningún caso uns termos que están asinados e en vigor”.
Fran Cajoto explica ademais que “o PSOE de Foz tratou de forma insistente que o Consorcio asumira a Residencia de Foz -da súa propiedade e competencia- pero a Consellería de Política Social bloqueouno. O BNG cambiou de postura 180 graos durante a licitación da concesión, votando en contra no último paso, a adxudicación definitiva do contrato á empresa proposta pola mesa de contratación. Quédanos por ver se o Partido Popular vai a colaborar co BNG e o goberno na definición do modelo de xestión da residencia, que parece comparten cos nacionalistas. O que nos demostraron sempre é que adoptan unha postura ou outra segundo quen estea ao cargo en cada momento, non en función do que sexa bo para os veciños. Este é o nivel, ínfimo, ao que nos teñen acostumados”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
