Lourenzá, 26 de decembro de 2024. O pasado luns, 23 de decembro, medio cento de persoas participaron nunha concorrida asemblea de produtoras e produtores de faba, convocada polo Sindicato Labrego Galego – Comisións Labregas e o Consello Regulador da IXP Faba de Lourenzá, que tivo lugar no Salón de Actos de Lourenzá, na que interviu Isabel Vilalba Seivane, Secretaria Xeral do Sindicato Labrego Galego e produtora de faba de Lourenzá. No acto analizouse a situación pola que atravesa o sector e acordouse demandar da administración medidas de apoio que posibiliten a súa supervivencia.
Como xa se denunciou a comezos de mes, a colleita de faba desta campaña 2024 viuse seriamente afectada e condicionada polas condicións climáticas e pola aparición de patoloxías que reduciron a produción até nun 80% do que tería sido unha colleita habitual para as produtoras e os produtores. Como é ben sabido, a produción de faba na comarca representa unha importante fonte de ingresos a un bo número de familias labregas, ao tempo que contribúe a fixar poboación e dinamizar economicamente a zona. Así mesmo, constitúe un elemento de identificación cultural e social.
O sector produtor de faba na comarca está sufrindo un progresivo envellecemento e perda de activos; de non haber actuacións decididas en defensa do mesmo é previsíbel que este proceso se acelere chegando mesmo até a súa desaparición, coas implicacións que iso tería a nivel económico, social e mesmo cultural.
Estas medidas de apoio resultan máis necesarias aínda se temos en conta que no veciño Principado de Asturias estase a traballar entre a administración e o sector nunha serie de liñas de apoio ás que as produtoras galegas tamén debéramos ter acceso.
MEDIDAS URXENTES
Neste sentido, na asemblea referida, acordouse demandar da Consellería de Medio Rural que, na maior brevidade, se abra un diálogo co sector para tratar, cando menos, os seguintes temas:
– Establecemento dunha axuda directa que permita salvar a campaña ás persoas produtoras.
– Modificación da axuda da PAC nomeadamente na liña “Axuda á produción sostible de proteínas de orixe vexetal” dotándoa de contía suficiente.
– Constitución dun equipo de traballo que estude as afeccións dos cambios na climatoloxía e os seus posíbeis efectos na aparición de novas enfermidades que poidan afectar a este cultivo.
De igual modo, acordouse demandar apoio a estas reivindicacións e a todos os axentes implicados e tamén aos Concellos da comarca que conforman a Indicación Xeográfica Protexida “Faba de Lourenzá”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
