Candia, Barreiro, Balseiro e Serrano reivindican xunto ao alcalde de Mondoñedo e alcaldes e portavoces da zona esta actuación prevista no 2017 e que o Goberno de Sánchez non executou
Mondoñedo, 10 de xaneiro de 2025. O PP lucense pedirá dende o Senado “prazos e investimentos concretos” ao Goberno de Sánchez para a mellora da estrada N-634 no treito entre Mondoñedo e A Xesta (Abadín) e a prolongación do terceiro carril en sentido ascendente tras constatar que “non ten previsto realizar ningunha actuación” neste treito ao asegurar, en resposta oficial aos senadores, que “o firme e as marcas viarias están en correcto estado”.
Así o deron a coñecer a presidenta provincial, Elena Candia, e os senadores -José Manuel Barreiro, José Manuel Balseiro e Juan Serrano- en Mondoñedo acompañados polo alcalde do municipio, Manolo Otero; os rexedores de Abadín e O Valadouro e o portavoz de Alfoz, José María López Rancaño, José Manuel Lamela e Juanjo Fraga, respectivamente, e tamén veciños de Mondoñedo; despois de valorar a resposta do Executivo ás preguntas dos representantes lucenses no Senado.
Os populares afean a resposta do Goberno de Sánchez toda vez que “veciños e usuarios podemos comprobar que o pavimento está deteriorado e o alumeado e a sinalización precisan ser mellorados para garantir a seguridade da vía que incrementa o seu volume de tráfico cando pecha a A-8 pola néboa e, polo tanto, cando as condicións para a circulación non son óptimas”. Balseiro incidiu tamén en que “este non é un tramo calquera” porque é a vía alternativa á autovía do Cantábrico, unha das de España que máis veces se corta ao tráfico ao longo do ano e cun dos radares que máis multas rexistra nas estradas de Galicia.
A presidenta provincial e deputada autonómica incide tamén en que “as actuacións que estamos a reivindicar foron xa proxectadas polo Goberno do Partido Popular no ano 2017”, pero Pedro Sánchez incluso “desoe acordos adoptados en distintas institucións”. Por exemplo, o Parlamento de Galicia aprobou no 2021 a iniciativa do Grupo Popular unha iniciativa para urxir actuacións de mellora ao Ministerio de Transportes e Mobilidade Sostible.
O rexedor mindoniense, Manolo Otero, tamén explicou que “o Concello de Mondoñedo aprobou en Pleno por unanimidade -cos votos a favor de tódalas forzas políticas incluído o PSOE e o BNG-, solicitar ao Goberno do Estado a mellora do firme da N-634”. Así mesmo, incidiu en que “esta estrada rexistra moito tráfico diariamente -incluso coa A-8 aberta-; xa que, ademais dos veciños e veciñas dos municipios de Mondoñedo e Abadín, tamén é empregada por outros veciños da zona como os de Alfoz ou O Valadouro para conectar coa A-8 e por traballadores e transportistas nos seus desprazamentos habituais”.
Os populares convidan aos representantes socialistas e nacionalistas no municipio, na provincia e en Madrid a reivindicar tamén esta mellora ante o Goberno de Sánchez.
ACTUACIÓNS CONTEMPLADAS NO PROXECTO DO 2017
As medidas que prevía executar o Goberno de Rajoy estaba a substitución integral da capa de rodadura, a mellora da sinalización, balizamento, defensas e interseccións, ademais do peche perimetral para evitar a entrada de animais á calzada.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
