Rouco desminte que a cuberta do pavillón fose substituída na súa totalidade e asegura que a última goteira foi producida por unha situación que entra dentro da normalidade e que non se atopa na zona reparada
Vilalba, 10 de xaneiro de 2025. A alcaldesa de Vilalba, Marta Rouco, vén de informar do verdadeiro estado actual do pavillón municipal, así como desmentir as declaracións do Partido Popular de Vilalba, que asegura que se levaron a cabo unhas actuacións para o cambio completo da cuberta.
“Os 75.000 euros da actuación que se completou no mes de xuño centráronse na zona máis deteriorada da cuberta pola falta de mantemento que acumulaba o edificio durante os anos de goberno do Partido Popular”, explicou a alcaldesa de Vilaba, Marta Rouco. “Concretamente as obras consistiron na substitución das pranchas translúcidas, o cambio da cuberta dos vestiarios e o repaso da tornillería”, engadiu Rouco.
Nesa liña, a rexedora de Vilalba, Marta Rouco, lamenta que “os populares vilalbeses empreguen a mentira e a desinformación para intentar desacreditar a un goberno que traballa e soluciona”.
“O partido Popular debería saber perfectamente que as obras, por importe de máis de 70.000 euros, se centraron nunha parte concreta, que era a máis deteriorada, porque o proxecto foi aprobado en pleno. As afirmacións do grupo popular lévannos a pensar que votan sen sequera mirar os proxectos nin saber o que están validando”, sentenciou Marta Rouco.
No referido á situación do pavillón municipal, a rexedora vilalbesa, Marta Rouco, explicou que “a cuberta do pavillón foi rehabilitada nas súas zonas máis deterioradas, non obstante, os técnicos explicáronnos que debido ás súas características e ás importantes choivas dos últimos días, a aparición de filtracións puntuais entra dentro da normalidade”.
Nesa liña, a dirección da obra e os técnicos municipais confirmaron que o máis probable é que as filtracións, localizadas en dous puntos concretos nos que non se realizou ningunha actuación nas últimas obras, veñan provocadas por algunha folgura da tornillería.
“En canto tivemos coñecemento da incidencia, estudamos a situación e buscamos unha solución”, asegura Rouco, quen explicou que “ante a imposibilidade de que a empresa que acometeu as obras o pasado ano puidera desprazarse ata a nosa vila e solucionar as filtracións antes da fin de semana, buscamos outra empresa que xa está traballando en solucionar a situación”.
Nun prazo de menos de 48 horas, o goberno de Marta Rouco buscou unha solución para que ningún encontro deportivo da fin de semana tivera que aprazarse. “A mesma mañá na que se nos deu a coñecer a filtración de auga, contactamos coa empresa que está realizando a reparación, quen non puido actuar ata hoxe polas condicións meteorolóxicas”, puntualizou a alcaldesa de Vilalba.
Ademais, “a empresa responsable das últimas obras, desprazarase ata a nosa vila a vindeira semana para comprobar o estado das súas actuacións e solucionar calquera tipo de deficiencia que poidan ter”, concluíu a alcaldesa de Vilalba, Marta Rouco.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
