Foz, 21 de xaneiro de 2025. O alcalde, Fran Cajoto, anuncia a reorganización do goberno de Foz despois do abandono do BNG das súas competencias e explica: “o 24 de decembro a concelleira nacionalista Zoraida Coira asumiu a xestión da Residencia e Centro de Dia e o pasado venres 17 de xaneiro o conxunto dos concelleiros do BNG renunciaron á totalidade das competencias delegadas, incluída a residencia. Iniciamos agora unha nova etapa na que os sete concelleiros socialistas asumimos a xestión do municipio. Facémolo, como sempre, con gran ilusión e responsabilidade, agardando que os acertos sexan máis que os erros e traballando máis se cabe para que Foz continúe a senda de crecemento e mellora dos últimos anos”.
O alcalde asinou hoxe, martes 21 de xaneiro de 2025, o decreto que establece a designación das delegacións e que son as seguintes:
Francisco Cajoto Caserío: Alcalde. Competencias en Obras (inclúe abastecemento, saneamento, desbroce de camiños e medio rural), Parques e Xardíns, Urbanismo e Seguridade Cidadá)
Inés López Couto: Primeira Tenente de Alcalde. Delegación en Economía, Facenda e Cultura (inclúe festas e patrimonio).
Ángel Fernández Neira: Segundo Tenente de Alcalde. Delegación en Medio Ambiente (inclúe recollida de lixo e limpeza viaria), Deportes, Xuventude, Mar e Alumeado Público.
Ana Matea Rojo Eijo: Concelleira de Servizos Sociais (inclúe residencia e escolas infantís), Muller, Igualdade e Inmigración.
Elena Martínez Pena: Concelleira de Educación (inclúe colexios, instituto e aula universitaria), Innovación e Participación Cidadá.
Carlos García Rodríguez: Concelleiro de Relacións Institucionais, Comunicación e Coordinación de Axenda 2030.
Katherina Asunción Navarro Machado: Concelleira de Turismo, Comercio e Sanidade.
Unha etapa de goberno que asumen con sete concelleiros dos dezasete que conforman a Corporación Municipal. “Presentámonos ás eleccións para traballar e xestionar e vamos a seguir facéndoo, con moita ilusión. Imos obviar as palabras grosas que recibimos de Partido Popular e BNG, un desacerto que creo que non é xusto: por respecto pero tamén polo esforzo que facemos todos os días. Queremos chegar a acordos, coas dúas forzas, especialmente co BNG, unha forza progresista e de esquerdas. Os intereses xerais do pobo deben estar sempre por diante e con esa premisa imos a traballar”, declara o alcalde.
O alcalde de Foz avanza tamén no anuncio de distintas liñas de actuación que se prevén para este ano que comeza:
“Mellora de viais: Están contratadas ou en fase de contratación obras por un importe de 1,24 millóns de euros que se van a executar durante este ano 2025. Estamos a falar do aglomerado de distintos viais titularidade da Deputación entre os que se encontran Corporacións, Mijail Gorbachov ou a estrada Rapadoira – Llas. A renovación das rúas Alfonso X e Alfredo Brañas, a execución dun novo acceso ás Torres ou a renovación do firme da Avenida da Mariña. Tamén se inclúe o remate da renovación integral de Irmandiños entre Glorieta de Vilalba e o Campo da Cabana, así como a mellora de distintos camiños. A este orzamento de 1,24 millóns de euros podemos sumar as rotondas de Cangas -están pendentes de executar aproximadamente 370.000 euros de inversión- e novos proxectos que virán da man do Plan Deputación, Agader e distintas liñas de financiamento..
Limpeza viaria e recollida de lixo: Imos tramitar a adquisición dunha nova barredora e licitar o contrato da recollida separativa de lixo, incluíndo o novo contedor marrón. Temos como obxectivo dispoñer ademais puntos de recollida selectiva no casco urbano para pilas, cartuchos de impresora, luminarias e outros residuos específicos. Vamos xestionar a limpeza e adecuación das illas de contedores así como mellorar en xeral a limpeza do casco urbano.
Deportes: Imos avanzar no recoñecemento dos nosos deportistas coa Gala do Deporte aprobada en pleno, xestionar a mellora da cuberta da piscina municipal a través do convenio asinado con Vicepresidencia e promovido por Simeón Neira, tramitar a novo contrato da concesión da piscina e mellorar as instalacións deportivas, en parroquias e casco urbano.
Servizos Sociais: Imos demandar a transferencia inmediata da propiedade da Residencia e Centro de Día, tal e como establece o convenio asinado co Consorcio Galego de Igualdade e Benestar -Xunta de Galicia- para poder desbloquear a xestión do centro, paralizada no momento da adxudicación do contrato.
Educación: Imos redactar os pregos para a licitación do servizo de madrugadores nos tres colexios públicos (CEIP Nº 1, Cantel e Fondo Nois), co obxectivo de facilitar a conciliación das familias.
Ciclo Integral da Auga: Continuamos da man de Augas de Galicia coa execución nova depuradora de augas residuais. No primeiro trimestre deste ano imos levar a pleno a licitación da xestión do servizo de depuración, saneamento e abastecemento do Concello de Foz: un contrato que leva aparellados 1,2 millóns de euros de inversión na planta potabilizadora e 1,3 millóns de euros de inversión para renovación de distintas canalizacións, así como outras melloras”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
