Viveiro, 24 de xaneiro de 2025. A tenenta de alcaldesa de Viveiro, Míriam Bermúdez, presentou no concello o Plan de Mellora da Accesibilidade de Viveiro, “un paso fundamental para construír un municipio máis inclusivo, máis habitable e máis xusto para todas as persoas”.
“Desde a Tenencia de Alcaldía asumimos con responsabilidade o compromiso de facer de Viveiro un concello accesible, garantindo que todas as persoas, con independencia das súas capacidades, poidan desprazarse e gozar dos espazos públicos en igualdade de condicións. Isto non é só unha cuestión de dereitos, senón tamén de xustiza social e de calidade de vida para toda a veciñanza”, asegura Míriam Bermúdez.
A tenenta de alcaldesa sostén que “o plan non é unha declaración de intencións, senón unha folla de ruta concreta, rigorosa e realista, que recolle o estado actual da accesibilidade no noso municipio e define as actuacións prioritarias para eliminar barreiras e mellorar os nosos espazos públicos”.
Trátase dun documento elaborado por especialistas con criterios técnicos claros, con prazos e orzamentos definidos, para garantir a súa execución de maneira progresiva e efectiva.
Na presentación estivo Álvaro García Bustelo, membro da Xunta Directiva de COGAMI e responsable da Área de Accesibilidade, e Diego Piñeiro Pérez, arquitecto especialista en accesibilidade e responsable da auditoría deste Plan, quen explicou as necesidades detectadas. Por último, interviu Alejandro Rodríguez González, arquitecto encargado da redacción do Plan, que detallou as actuacións previstas.
“Agradezo especialmente o traballo e a implicación de COGAMI neste proxecto, unha entidade referente na loita pola accesibilidade e a inclusión, así como a profesionalidade dos equipos técnicos que participaron na redacción do Plan. Tamén quero recoñecer o esforzo e a boa coordinación do persoal municipal, sen o cal este traballo non sería posible”, apuntou a tenenta de alcaldesa.
“Este traballo responde a un compromiso político firme: cumprimos o programa. Desde o primeiro día apostamos por mellorar a accesibilidade e hoxe damos un paso decisivo nesa dirección. A nosa acción de goberno baséase na planificación e no rigor, porque entendemos que só así podemos transformar a realidade de maneira efectiva e sostible”, engade.
O Plan céntrase nos principais núcleos urbanos de Viveiro, Covas e Celeiro, onde se concentran os servizos e o maior volume de desprazamentos peonís. As actuacións priorizaranse segundo criterios técnicos e de impacto social, garantindo que os investimentos se traduzan en melloras reais para a veciñanza.
Ademais, este Plan non é un documento pechado, “senón unha ferramenta viva, que nos permitirá seguir incorporando melloras, ampliando actuacións e avanzando cara a unha accesibilidade universal real e efectiva”.
“Hoxe damos un paso importante, pero isto non remata aquí. A accesibilidade é un compromiso de toda a sociedade, e queremos que esta transformación se faga da man da cidadanía. Grazas a todas e todos por acompañarnos nesta presentación e por compartir connosco o compromiso de facer de Viveiro un concello máis accesible, máis humano e mellor para todas as persoas”, rematou Míriam Bermúdez.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
