Burela, 24 de xaneiro, 2025. O Concello de Burela informa da ampliación da ‘Zona de Estacionamento de Residentes O Mariñeiro’, un proxecto que nace coa finalidade de solucionar un problema de tráfico na zona, garantindo un uso máis ordenado do espazo público. Este novo paso dáse tras analizar as peticións e suxestións da veciñanza, así como despois de avaliar a implantación inicial na Rúa Monte Castelo, que serviu como fase piloto.
A ‘Zona de Estacionamento de Residentes O Mariñeiro’ busca priorizar o acceso ao estacionamento para as persoas empadroadas nesta área fronte a vehículos doutros usuarios que non teñen residencia na zona. Cun custe de 6,92€ pola tramitación do expediente administrativo, as persoas residentes poden obter a autorización necesaria para aparcar nas prazas habilitadas, identificadas como parte da zona de estacionamento de residentes, sempre que estas estean dispoñibles no momento de aparcar.
Que veciños e veciñas poden aparcar na Zona de Estacionamento de Residentes O Mariñeiro?
A zona de residentes está sinalizada coa cor verde e, segundo o decreto aprobado, inclúe aos veciños e veciñas empadroados nas seguintes rúas:
-Rúa Monte Castelo na súa totalidade.
-Praza do Mariñeiro.
-Rúa do Mariñeiro, entre as rúas Monte Castelo e Eijo Garay, comprendendo desde o número 1 ata o número 5, ambos incluídos.
-Rúa Eijo Garay, entre as rúas O Mariñeiro e Rosalía de Castro, comprendendo: Do número 3 ao número 13, ambos incluídos, na marxe esquerda. Entre os números 8 e 12, ambos incluídos, na marxe dereita.
En determinados tramos destas rúas, conviven as zonas de estacionamento sinalizadas en verde coa dispoñibilidade de prazas de estacionamento normal. Esta medida busca facilitar o aparcamento para persoas non residentes e dar soporte aos comercios locais, permitindo un acceso máis cómodo e dinámico á zona comercial. Ademais, o Concello está a estudar cambios nas áreas de carga e descarga para mellorar as condicións de traballo e loxística dos negocios da zona.
Por que só hai zonas de estacionamento de residentes nalgúns lugares?
Entendemos que algúns veciños e veciñas poden preguntarse por que esta medida non se aplica en todas as áreas de Burela. É importante aclarar que a creación dunha zona de estacionamento de residentes está vinculada a circunstancias concretas, como a necesidade de regular o uso do espazo público para garantir un acceso máis ordenado, a elevada demanda de estacionamento por vehículos alleos ou a densidade de vivendas sen garaxe.
Estas zonas non se poden implementar en todos os barrios porque, en moitos casos, as características das rúas e a dispoñibilidade de prazas fan inviable a súa aplicación. O Concello estuda cada caso con detalle para que a medida sexa viable e útil, sempre co obxectivo de mellorar a calidade de vida e o acceso dos veciños e veciñas ao seu entorno.
Que beneficios aporta a ‘Zona de Estacionamento de Residentes O Mariñeiro’?
Prioriza o estacionamento para veciños empadroados na zona.
Reduce a presión de vehículos alleos, especialmente en áreas con alta demanda.
Facilita a convivencia e o acceso ordenado ao espazo público.
Ofrece opcións de estacionamento para persoas non residentes próximas aos comercios.
Un proxecto en constante mellora
Esta ampliación responde ás necesidades expresadas pola veciñanza e á análise do uso actual das prazas. Queremos lembrar que estamos nun proceso de aprendizaxe e axuste, polo que continuaremos avaliando a súa implantación e recollendo opinións para mellorar.
Pedimos á cidadanía que manteña o diálogo aberto e nos traslade calquera dúbida ou proposta. Esta medida é un paso máis cara a unha Burela máis accesible e orientada ao benestar dos seus veciños e veciñas.
Para máis información ou para xestionar a obtención da autorización, as persoas interesadas poden acudir ao Concello ou contactar a través dos nosos canles habituais.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
