Ribadeo, 24 de xaneiro de 2025. Ribadeo ten vida todo o ano. Niso insistiu e afondou a delegación ribadense desprazada a Fitur 2025.
O alcalde, Dani Vega, contou que “durante estes días en Fitur traballamos para explicar e informar das grandes oportunidades que ten unha persoa cando ven a Ribadeo a desfrutar do seu turismo. En definitiva, o que trasladamos foi que Ribadeo ten vida todo ano, por ese dinamismo continuo e tamén pola desestacionalización, é dicir ter actividade todo ano. Iso é grazas tamén a un sector que cada vez é máis profesional e tamén por un traballo coordinado cos axentes implicados no turismo”.
O rexedor dixo: “creo que hai que seguir nesa liña, desestacionalizar con actividades todo ano e contar sempre co sector, que cada vez é máis profesional. Estes días en Madrid tamén nos diriximos aos medios de comunicación internacionais. No día de onte captabamos todas as atencións e Ribadeo era o exemplo a seguir. Hai que continuar traballando para que nos medios de comunicación estranxeiros teñamos unha presenza, porque tamén queremos ese turismo e o turismo de familia. Por iso esas reunións que tivemos con axentes implicados que traballan nese turismo familiar que queremos que veñan a Ribadeo”.
Vega subliñou: “foron unhas xornadas moi interesantes, de intenso traballo para poñer a Ribadeo continuamente no mapa turístico e iso ten un traballo continuo, por iso transmitimos que Ribadeo ten vida todo ano”.
Formaron parte da delegación ribadense que participou en Fitur 2025 o alcalde de Ribadeo, Dani Vega, a concelleira de Turismo, Marta Saiz, o concelleiro de Medio Ambiente, Diego Dos Santos, e o xerente de Acisa, Jesús Pérez.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
