Antonio Ameijide explica que o que fixeron “por fin” socialistas e nacionalistas “foi poñer en valor” a aposta realizada no seu día polo expresidente Francisco Cacharro que foi “quen tivo a visión de apostar polas rutas en catamarán polo Sil para promocionar a Ribeira Sacra”: “PSOE e BNG nada fixeron por innovar as rutas, nin foron capaces de renovar as embarcacións”
Madrid, 24 de xaneiro de 2025. Os deputados do Grupo Provincial Popular apoian a promoción da imaxe da provincia pero lamentan “a falta de ideas” coas que o goberno provincial de PSOE e BNG concorreron a Fitur xa que “novidades non houbo ningunha e unicamente falaron de proxectos impulsados polo Partido Popular”. “Seguen a vivir da herdanza recibida e de rendas”.
O voceiro provincial popular, Antonio Ameijide, explica que vimos como José Tomé puxo polas nubes as rutas en catamarán “un proxecto que, todos recordamos, iniciou o expresidente Francisco Cacharro, que foi o que tivo a visión suficiente para poñer en marcha e impulsar estas rutas e a través delas poñer en valor a riqueza natural, cultural e paisaxística da Ribeira Sacra”.
Unha afirmación que acompañou da “ausencia total de mellora e modernización destas rutas porque nos case 20 anos que PSOE e BNG levan gobernando a Deputación de Lugo non foron capaces de renovar as embarcacións nin de realizar mellora algunha nas rutas”.
Ameijide sinala que, en lugar de avanzar en materia de turismo “o que fixeron os diferentes gobernos bipartitos de socialistas e nacionalistas foi estancarse e vivir das rendas e da herdanza recibida”.
“Aínda que chegue tarde, a realidade é que José Tomé, PSOE e BNG puxeron en valor o traballo realizado por Francisco Cacharro”, afirmou.
Ademais, Ameijide explica que outro dos proxectos que tentaron vender dende o goberno provincial foi a aposta pola Ribeira Sacra, pero recordou que “de non ser polo Partido Popular á fronte da Xunta de Galicia non se tería impulsado de forma decidida a Ribeira Sacra xa que é o goberno autonómico o que está a liderar a candidatura desta zona da provincia como Patrimonio da Humanidade, mentres que o PSOE e o BNG non son capaces nin de manter en bo estado a rede viaria provincial nos municipios desta zona da provincia, nin do resto”.
Ameijide resume a campaña de promoción da provincia realizada por PSOE e BNG en Fitur: “o que fixeron foi transmitir que nas dúas últimas décadas non fixeron nada pola difusión da imaxe da provincia”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
