Viveiro, 14 de xaneiro de 2025. A través da Tenencia de Alcaldía e a Concellería de Medio Ambiente de Viveiro reorganizouse o servizo de xestión de cans abandonados tras a notificación de disolución da Asociación Protectora de Animais Gadoupas, que comunicou a súa decisión de cesar a actividade no verán de 2023.
Naquela reunión, a directiva da protectora informou que non continuarían coa súa labor e solicitou ao Concello que asumise a xestión da situación, dando un prazo para que o Concello atopase unha solución e notificando que non acollerían novos animais.
Co obxectivo de garantir o benestar animal e asegurar a continuidade do servizo, a Tenencia de Alcaldía xestionou e formalizou un novo convenio o 20 de setembro de 2024 coa protectora Garatuxa que asumiu estas funcións.
Este acordo permite ofrecer unha resposta rápida e eficaz ante incidencias relacionadas co abandono de animais, promovendo sempre o seu respecto e protección.
Estudouse tamén a posibilidade de crear unha protectora de animais propia, pero os elevados requisitos técnicos, a falta de fondos suficientes e a inexistencia dunha asociación que puidese encargarse da súa xestión, antes a disolucion de Gadoupas, fixeron que esta opción non fose viable nese momento.
Xa que Gadoupas notificou a súa disolución e para evitar a duplicidade de gastos públicos, prescindiuse de seguir pagando desde o Concello as instalacións alugadas que ocupaba a protectora Gadoupas para tal fin.
En cumprimento do novo convenio, organizouse a transferencia dos tres animais que se atopaban en custodia, pero Gadoupas non aceptou trasladar os cans á nova protectora.
Actualmente o servizo está en pleno funcionamento e xa o leva a nova protectora Garatuxa. O feito de ter asinado este convenio cunha protectora permitirá que por primeira vez se poda optar ás subvencións encamiñadas á protección dos animais de compañía abandonados.
Para informar sobre a presenza de cans abandonados, as persoas interesadas deben chamar ao 112. Desde este servizo, a incidencia será derivada ao Concello que se encargará de xestionar a recollida e coidado do animal abandonado.
Neste ano e medio, desde a Tenencia, ademais de xestionar os cans abandonados, deuse resposta á demanda histórica de poder contar unha praia de uso compartido con mascotas en Viveiro, unha nova Ordenanza para mellorar a convivencia entre veciñanza e animais domésticos e colaboración con Colonias Rueiras para a xestión de colonias felinas.
A Tenencia de Alcaldía reafirma o seu compromiso co benestar animal e segue traballando para que os servizos de atención a animais abandonados sexan adaptados ás necesidades do municipio, eficientes e responsables.
“Queremos aproveitar esta oportunidade para agradecer o inestimable traballo realizado pola asociación Gadoupas, cuxa dedicación e compromiso foron fundamentais na protección e coidado dos animais no noso Concello”, sinalan dende a Tenencia de Alcaldía.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
