Viveiro, 5 de febreiro de 2025. A tenenta de alcaldesa de Viveiro, Míriam Bermúdez, fai entrega hoxe dos seus carnés ás 28 persoas colaboradoras autorizadas para a atención e coidado das colonias felinas do municipio.
No ano 2024 esterilizáronse 63 animais como parte desta iniciativa, encadrada no marco do programa municipal de control e benestar animal mediante o método CER, Captura, Esterilización e Retorno.
Os carnés acreditan a participación no programa, que en palabras de Bermúdez é “fundamental para o coidado responsable destes animais, así como para o control da súa poboación mediante métodos éticos e respectuosos”. “Ademais, a súa labor contribúe á prevención de pragas e á mellora da limpeza e hixiene nos espazos públicos”, engade.
A tenenta de alcaldesa quixo agradecer “o compromiso e dedicación destas persoas colaboradoras, cuxa implicación resulta clave para garantir o éxito deste proxecto e asegurar unhas condicións axeitadas para as colonias felinas e para a veciñanza”.
Por outra banda, dende a Tenencia de Alcaldía lémbrase que a alimentación de calquera animal na vía pública sen autorización está prohibida segundo a Lei de convivencia, limpeza e residuos, podendo derivar en sancións para aquelas persoas que incumpran esta normativa.
Todas as persoas interesadas en colaborar no coidado das colonias felinas deben poñerse en contacto co Concello de Viveiro para recibir as instrucións necesarias e obter a correspondente acreditación.
O programa desenvólvese en colaboración coa asociación Colonias Rueiras, entidade que ten asinado un convenio co Concello de Viveiro para a xestión e control das colonias. Para máis información, as persoas interesadas poden dirixirse ás dependencias municipais ou contactar coa área de Medio Ambiente.
“Animamos á veciñanza a colaborar coa asociación Colonias Rueiras, coa que se pode contactar a través das súas redes sociais”, apuntou Bermúdez. “Desde a Tenencia de Alcaldía, seguimos traballando para compatibilizar o benestar animal co mantemento da limpeza e salubridade no noso concello”, concluíu.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
