No marco destes proxectos, o IES Perdouro de Burela participará nun concurso arredor desta temática xunto a outros 15 institutos de todo o Estado
Burela, 7 de febreiro de 2025. O tenente de alcaldesa de Burela, Mario Pillado, mantivo unha reunión con EMUGA, a asociación de Emisoras Municipais Galegas. Nela tratouse a presentación dunha nova edición do do proxecto ONDA ODS de comunicación e concienciación sobre os Obxectivos de Desenvolvemento Sostible e a Axenda 2030.
O quecemento global, a eliminación da pobreza e a igualdade de xénero son algúns dos contidos sobre os que se centra esta proposta de comunicación das radios públicas locais, que buscan así mesmo aproveitar o auxe do podcast como ferramenta de moda en todo o mundo para transformar as emisoras municipais en centros de produción de audio abertos a toda a cidadanía.
Henrique Sanfiz, secretario da asociación de emisoras, presentou na reunión os eixos do proxecto na que é a súa terceira edición. Esta desenvólvese en colaboración con asociacións homólogas en Andalucía e Catalunya como son EMA e La Xarxa Radio TV Cardedeu, e mais coa Asociación de Emisoras Comunitarias.
Un dos puntos principais deste proxecto terá como protagonista a Burela, xa que EMUGA convidou ao IES Perdouro a participar nun concurso arredor dos ODS e a Axenda 2030 que implicará a alumnos de 3º da ESO de 16 institutos de todo o Estado, catro deles galegos.
“Para nós é un pracer colaborar cos nosos centros educativos e cunha entidade como EMUGA neste tipo de iniciativas, nas que se integran a participación da mocidade, os ODS e o podcast”, sinala o tenente de alcaldesa.
“Sérvenos ademais para seguir a traballar en alternativas, e cremos que o podcast pode ser unha delas para a mocidade e o noso tecido asociativo”, engade.
O concurso, que se desenvolverá ao longo de tres meses, constará de diversas fases. En primeiro lugar haberá unha fase territorial, na que competirán entre si os catro institutos galegos, e despois haberá unha fase estatal, na que o centro gañador da fase territorial representará a Galicia enfrontándose aos demais centros gañadores.
O representante de EMUGA aproveitou a ocasión para ofrecer ao edil a colaboración e experiencia das emisoras municipais para relanzar a emisora municipal coa que conta Burela, que, en palabras de Pillado, “pode ser un importante elemento de participación veciñal na vida social e cultural do municipio”.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
