Katy Varela, Francisco Conde e Jaime de Olano afirman que “este repentino cambio de criterio é arbitrario, e excede e retorce o cumprimento do criterio xurisprudencial do Tribunal Supremo”
Lugo, 18 de febreiro de 2025. O Grupo Popular vén de rexistrar, tanto no Parlamento de Galicia como no Congreso, unha proposición non de lei a través da que se solicita ao Goberno central que proceda á devolución íntegra e sen aprazamentos das contías solicitadas polos contribuíntes polas súas achegas á Mutualidade Laboral da Banca desde o ano 1967, de xeito que non se xeren diferenzas entre aqueles que xa viron regularizada a súa situación na declaración do IRPF de 2023 e os que se verán afectados pola entrada en vigor da disposición derradeira décimo sexta da Lei 7/2024 que prevé facer as devolucións exercicio por exercicio a partir de 2025.
A deputada autonómica Katy Varela, xunto aos deputados nacionais Francisco Conde e Jaime de Olano, lembran que a sentenza da sala do contencioso do Tribunal Supremo do 28 de febreiro de 2023 “veu sentar criterio xurisprudencial sobre a efectiva aplicación da disposición transitoria segunda da Lei 35/2006 respecto das achegas realizadas a mutualidades laborais desde o 1 de xaneiro de 1967 á pensión pública por xubilación percibida da Seguridade Social, precisando que se debe integrar na base impoñible do imposto o 75 por cento das prestacións por xubilación ou invalidez percibidas”.
CAMBIO DE CRITERIO
“Deste xeito, os que teñan redución calculada só por período cotizado ata 1967 deberían reclamar á Axencia Estatal de Administración Tributaria a rectificación das súas declaracións dos últimos catro exercicios non prescritos aínda, correspondentes aos anos 2019, 2020, 2021 e 2022”, concretan.
Katy Varela indica que, “nun primeiro momento, a AEAT procedeu a regularizar as declaracións de IRPF en moitos casos de forma completa na declaración do exercicio de 2023, pero posteriormente decidiu que as contías que se van aplicar nas declaracións da renda deben facerse exercicio a exercicio conforme a seguinte pauta: as de 2019 e anteriores no 2025, a de 2020 na declaración de 2026 e así sucesivamente”.
“Este repentino cambio de criterio é arbitrario, excede e retorce o cumprimento do criterio xurisprudencial do Tribunal Supremo, e pugna abertamente cos dereitos dos contribuíntes que non teñen máis culpa que ter aplicado ben o dereito cando a interpretación da AEAT era de todo incorrecta”, explica a deputada popular.
Esta decisión foi consolidada recentemente a través dunha emenda que o Grupo Socialista introduciu na Lei 7/2024 relativa á tramitación que debe seguir a AEAT e ás correspondentes devolucións derivadas da sentenza do Tribunal Supremo respecto das aportacións realizadas ás mutualidades laborais polas que non se puideron aplicar redución ou minoración da base impoñible do imposto sobre a renda.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
