Ribadeo, 24 de febreiro, 2025. ‘Mundo Wikimedia, unha comunidade de todos para todos’, celebrada na Biblioteca Pública Municipal Viejo Pancho de Ribadeo, desenvolveuse como unha actividade na que se deu unha visión xeral do mundo que dá acubillo á Galipedia e en xeral Wikipedia, dende unha perspectiva de análise para mellorar o seu uso e colaboración, así como estender o manexo a outras wikis da familia para poder aproveitar non só texto, senón bases de dados ou imaxes.
Na liña das actividades de amarinha.gal, tentando un maior control propio da nosa vida na rede, tanto o vídeo da actividade como a presentación ou o fanzine están dispoñibles en internet de xeito libre. Pode accederse a eles de varios xeitos. Por exemplo, dende blogs.amarinha.gal. E en pouco tempo, tamén a partir de Commons.wikimedia.org, xa que o colectivo mantivo contacto con Wikimedia España para o seu desenvolvemento.
De cara a próximas datas, están previstas outras actividades de amarinha.gal. En Mondoñedo, as próximas semanas sobre soberanía dixital da man de distintos membros do colectivo, con admisión restrinxida. O próximo mes, de novo na Biblioteca Pública de Ribadeo outra actividade libre, desta volta sobre linux. Asemade, estase en xestións para facer noutros lugares da Mariña novas edicións de actividades abertas xa desenvoltas, tentando expandir o coñecemento libre.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
