As actuacións contan cun investimento de ata 700.000 euros e mellorarán a conservación do ecosistema dunar e a accesibilidade e seguridade na zona
Viveiro, 15 de febreiro de 2025. O delegado do Goberno, Pedro Blanco Lobeiras, acompañado da subdelegada do Goberno, María Isabel Rodríguez López, o xefe do Servizo Provincial de Costas, José Miguel Estevan Dols, e a alcaldesa de Viveiro, María Loureiro, presentaron hoxe en Covas as novas actuacións previstas para a recuperación e posta en valor das dunas da praia de Covas, así como a mellora da pasarela sobre o río Landro.
O proxecto de recuperación das dunas, o cal aínda se atopa en fase de tramitación e conta cun orzamento aproximado de entre 500.000 e 600.000 euros, inclúe a erradicación de especies invasoras, a repoboación con especies autóctonas, a instalación de novas pasarelas accesibles con bancos para mellorar os accesos desde o paseo á zona de baño e a execución do vallado de dunas con postes e cordas para a súa protección e posta en valor.
Este proxecto non require tramitación ambiental e terá un prazo estimado de execución de 3 a 4 meses.
Por outra banda, tamén se contempla a mellora da pasarela sobre o río Landro cun investimento duns 100.000 euros, coa finalidade de evitar que os peóns resbalen e mellorar a seguridade dos viandantes.
Ademais, no marco das actuacións municipais relacionadas co patrimonio natural e infraestruturas, o Concello de Viveiro informa dos avances na tramitación para a cesión de varios terreos pertencentes ao Dominio Público Marítimo Terrestre, incluída a explanada da Variante.
Segundo o goberno municipal, os trámites para a desafectación e posterior cesión están na súa fase final, tras a aprobación por parte da Dirección Xeral da Costa e do Mar da modificación da liña de ribeira.
Os pasos clave deste proceso inclúen a regularización da liña interior de ribeira do mar en diversas zonas dos paseos marítimos de Covas e Viveiro, a declaración da innecesariedade destes terreos para a protección do dominio público marítimo-terrestre, a solicitude ao Ministerio de Facenda para a súa desafectación e cesión ao Concello de Viveiro e o desprazamento de técnicos municipais á Xerencia do Catastro en Lugo para avanzar na xestión da cesión.
Unha vez completada a cesión, o Concello poderá executar o arranxo definitivo da explanada da Variante, un proceso no que se leva traballando dende hai anos e que se atopa na súa fase final.
A alcaldesa de Viveiro, María Loureiro, destacou a importancia destas actuacións para a conservación do patrimonio natural do municipio e para ofrecer aos veciños e visitantes unha praia accesible e segura.
“Estas melloras supoñen un paso máis na aposta do Concello pola posta en valor dos nosos espazos naturais. A recuperación das dunas de Covas permitirá preservar un ecosistema fundamental e, ao mesmo tempo, mellorar a experiencia dos usuarios da praia, garantindo accesos cómodos e seguros para todos”, afirmou Loureiro.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
