Viveiro, 31 de marzo, 2025. O encontro anual dos profesionais da hostalería da provincia de Lugo, promovido pola Asociación Provincial de Empresarios de Hostalería e Turismo de Lugo (Apehl), volveu celebrarse esta noite. Foi no Restaurante Louzao de Viveiro.
No transcurso da mesma e tras un aperitivo, fíxose entrega dos premios Toda unha vida nos fogóns, homenaxeando así a traxectoria de Ana María Gómez Mon, do Restaurante Río Neira, de Ponte de Neira (O Corgo); Benedicto Vela Santos, de Cervecería Kiko, de Burela; Generoso Maseda e Amelia Villasante, da Lonxa de Burela, e Ángeles Galdo, do Hotel O Val do Naseiro, de Viveiro.
Os galardoados recibiron unha placa de Sargadelos coa marca turístico gastronómica “…E para comer, Lugo”.
Seguidamente, interveu o presidente da Apehl, Cheché Real, que puxo en valor todo o traballo realizado ao longo destes 48 anos e resaltou a recuperación do sector tras cumprirse recentemente cinco anos da declaración do estado de alarma pola covid-19.
Puxo de manifesto as ensinanzas que deixou a pandemia. En primeiro lugar destacou que “o sector hostaleiro non é só unha actividade económica, é un xeito de vivir e xerar felicidade”, apuntou que “aportamos valor engadido a outros sectores que, sen nós, non terían sentido” e engadiu que “as asociacións xogan un papel crucial para defender os nosos dereitos”.
Finalmente, dedicou unhas palabras de agradecemento a todas as institucións e organismos que colaboran incondicionalmente coa Apehl, ademais de ter unha lembranza moi especial por José Luis Yzuel, presidente de Hostelería de España durante os últimos oito anos, que faleceu recentemente.
A continuación tomaron a palabra José Luis Álvarez Almeida, novo presidente de Hostelería de España; Carmela López Moreno, deputada da Área de Economía, Recadación Facenda e Especial de Contas da Deputación de Lugo; María Isabel Rodríguez López, subdelegada do Goberno en Lugo; e Mariña Gueimunde, alcaldesa de Viveiro. O acto pechouno Alfonso Rueda, presidente da Xunta de Galicia, que acudiu á Gala acompañado de María José Gómez, conselleira de Medio Rural, e Alfonso Villares, conselleiro do Mar. Tamén acudiron José Manuel Merelles, director de Turismo de Galicia e Javier Arias, delegado territorial da Xunta de Galicia en Lugo.
O evento reuniu a preto de 200 persoas, entre hostaleiros, autoridades, representantes das diferentes denominacións de orixe, indicacións xeográficas protexidas e produtores de razas autóctonas de Galicia, así como a provedores e profesionais do sector.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
