Os números son claros. É irrefutable que a administración que máis inviste en Viveiro e en todos os concellos da provincia de Lugo é a Xunta de Galicia.
Por exemplo, no ano 2024 mentres que a Deputación de Lugo aportou algo máis de 1,5M€; a Xunta achegou, en termos reais, máis do dobre de fondos ao Concello, máis de 3,8 M€. E todo isto sen contar as cifras millonarias en sanidade, educación, axudas a particulares, empresas e todas as competencias propias que a Xunta presta no municipio.
Polo tanto, en Viveiro non se pode alegar desatención por parte da administración autonómica. Nin teñen cabida as acusacións de sectarismo por parte da ex alcaldesa socialista de Viveiro, a señora María Loureiro, á administración autonómica coas que intenta xustificar moitos anos de inacción dos gobernos municipais.
Un non pode tapar a falta de traballo ou de acerto cargando a culpa aos demais. Facerse trampas ao solitario non resulta, non as cre ninguén e o máis danado sempre é un mesmo, como se viu co tempo.
É curioso que unha representante política do Partido Socialista, unha das máis beneficiadas polo uso sectario das institucións que practica a diario o goberno provincial da Deputación de Lugo, vexa nos demais precisamente a política que practican os seus compañeiros e xefes.
Agardo que agora, que acaba de chegar ao Pazo Provincial da Deputación; aplique as súas propias reflexións no seu novo cometido e, como asesora directa de Presidencia, prégolle que intente que o seu actual xefe aplique na institución, da cal depende agora mesmo, esa igualdade da que presume e que nunca practicou nin vostede nin o seu partido.
Agardo que de agora en diante na Mariña lucense, e no resto da provincia, non haxa veciños de primeira e de segunda para a Deputación de Lugo porque, ata o de agora, sempre os houbo para o PSOE e o BNG. Gustaríame que evite casos tan flagrantes como a firma de 77 convenios durante o 2024 con concellos do PSOE ou do BNG por parte da institución da que agora forma parte e de 0 convenios de axuda para Concellos nos que o seu goberno sexa do PP. Esta é a igualdade da que presume María Loureiro.
Todos os veciños da provincia agradeceranlle que nesta nova etapa na institución provincial defenda esa igualdade de trato que pide aos demais. Estou seguro que calquera de nos, firmaría porque a Deputación de Lugo actuase coa mesma xustiza, igualdade e transparencia que a Xunta xa aplica a todos os concellos.
Desexándolle o mellor para o seu futuro, quero aproveitar para pedirlle de novo que eses criterios de igualdade dos que presume e pide aos demais os aplique e teña en conta nas súas novas responsabilidades na Deputación Provincial.
Porque, efectivamente, María, non todos somos iguais. Para a Deputación, non.
Antonio Ameijide, Portavoz do Grupo Provincial Popular
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
