Viveiro, 13 de marzo, 2025. A voceira do BNG de Viveiro, Míriam Bermúdez, cualificou de “inaceptable” o cambio de postura de Portos de Galiza sobre o arranxo do peirao de Viveiro, coincidindo co cambio de goberno municipal. “Queda demostrado que a Xunta de Galiza foi cómplice dun plan premeditado para prexudicar a Viveiro, negándonos investimentos esenciais e privando á veciñanza dos recursos que lles corresponden”, afirmou Bermúdez.
A tenenta de alcaldía no anterior goberno lembrou que, durante o seu mandato, o Concello de Viveiro solicitou ata en tres ocasións unha reunión con Portos por escrito, sen obter ningunha resposta. Ante o silencio institucional, “tivemos que desprazarnos sen cita previa á súa sede en Compostela para que nos recibisen e tratar asuntos esenciais para o municipio”. Nesa xuntanza, o propio presidente de Portos asegurou que non existía partida orzamentaria para o arranxo do peirao, que asfaltar a zona non era unha prioridade e que as inversións debían estar vinculadas exclusivamente á actividade marítima. Ademais, mesmo se lle chegou a ofrecer ao Concello a cesión do uso do peirao no estado de abandono no que se atopa, a pesar de ser conscientes de que a administración local non dispoñía dos fondos necesarios para a súa recuperación.
“Agora, apenas un día despois de que a nova alcaldesa do PP tome posesión, non só reciben a súa solicitude sen demora, senón que, coma por arte de maxia, aparecen 215.000 euros para executar unhas obras que antes eran imposibles”, denunciou Bermúdez.
Para a voceira do BNG, esta situación confirma as sospeitas do seu grupo: “A Xunta non investiu en Viveiro nin un só euro porque o goberno municipal non era do Partido Popular. E iso non é gobernar para todas as galegas e galegos, é utilizar os recursos públicos de forma partidista e sectaria, roubándolle aos viveirenses o que lles pertence”.
Bermúdez asegurou que o BNG non vai calar ante este tipo de discriminacións e seguirá denunciando todas as manobras da Xunta que prexudiquen os intereses de Viveiro. “O que non fixeron en vinte anos, agora van vendelo como grandes investimentos. Pero a veciñanza non esquece nin se deixa enganar”, concluíu.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
