Foz, 12 de marzo de 2025. O Concello de Foz presentou no día de hoxe, mércores, alegacións ao proxecto de trazado O Carme – Barreiros da futura autovía da Mariña A-74. En palabras do alcalde, Fran Cajoto: “Agradecemos o esforzo e a inversión que está a facer nos últimos anos o Ministerio de Transportes en Foz. Rematouse a rotonda da Gralleira – Ribela sobre a nacional N-642 e nun breve prazo comezarán as obras para a execución dunha nova rotonda en Cangas, neste caso na intersección coa estrada LU-162 a Ferreira. Queremos que a autovía da Mariña se execute canto antes e estamos conformes co trazado proposto. Neste caso, vimos de presentar alegacións que, sen alterar o deseño da autovía, mellorarían distintos aspectos”.
Unha das principais alegacións refírese ao enlace de O Carme, sobre a estrada LU-152 a Ferreira. “Demandamos á Demarcación de Estradas que transforme o semienlace de O Carme proxectado nun enlace completo, para permitir que veciñas e veciños de Santo Acisclo, Santa Cilla, San Martiño e Vilaronte poidan utilizar esta entrada para desprazarse ata Burela e non só cara a Ribadeo. Hai moitos desprazamentos diarios a Alcoa, que é o gran centro de emprego da comarca, ou ao Hospital da Mariña. Sabemos que a inversión será máis alta pero é unha demanda xusta e necesaria. De non poder incluírse o cambio de deseño neste proxecto, podería engadirse no proxecto construtivo ou a través dun modificado de obra. Non só os veciños, a basílica como punto turístico ou empresas da zona sairían moi beneficiadas con esta mellora”, explica Fran Cajoto.
Outras alegacións refírense á accesibilidade ao camiño da Balsa e á área recreativa do Carme desde a LU-152 en San Martiño, ao tránsito peonil no entorno do enlace de O Carme, así como á mellora da sección e afirmado dalgún dos camiños de servizo proxectados no documento. Tamén se pide para mellorar a permeablidade na Baesta, en Vilaronte, estudar a substitución de dous tramos de recheo por viadutos. “Preocúpanos principalmente a accesibilidade, tanto de peóns como vehículos, nas zonas de proxecto da autovía. Tamén estudamos a permeabilidade para o paso de animais, tanto de gando como salvaxes, e que a infraestrutura non constitúa unha barreira. Xa alegamos antes de acceder á Alcaldía en xaneiro do 2019 e con bos resultados, a casa das Arieiras, en San Martiño, non se ve afectada neste documento: un proxecto bo coma este, con boas achegas, aínda se pode mellorar”, indica o rexedor municipal de Foz.
O alcalde demanda da Xunta de Galicia que “mova ficha” e defina dunha vez por todas a VAC Costa Norte ao seu paso por Viveiro, “para que toda a Mariña poida estar conectada e entre dunha vez no S. XXI. A Xunta de Galicia bloqueou o proxecto de variante mentres en Viveiro houbo alcaldesa socialista. É indignante, absolutamente indignante. Agora que non teñen a quen botarlle a culpa veremos o que pasa, porque quen perde sempre son os mariñáns”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
