Foz, 24 de marzo, 2025. A asociación cultural A Pomba do Arco, en colaboración co Mariña Patrimonio e Tempo Galiza, organiza este xoves 27 de marzo ás 20:30 na Casa da Cultura Poeta Manuel María de Foz a presentación do libro A fraga dos teixos.
A presentación do libro correrá cargo do presidente de Mariña Patrimonio, Manuel Miranda, e do autor do libro, Xosé Salvadores Cobas. Salvadores, enxeñeiro forestal, ensinante xubilado e histórico activista do movemento ecoloxista galega, como directivo da Asociación para a Defensa Ecolóxica da Galiza (ADEGA) achega neste libro un caderno de campo sobre a flora e a fauna da comarca da Mariña.
O traballo de Salvadores parte dunha iniciativa desenvolvida na parroquia de Lindín, en Mondoñedo. Neste lugar, concretamente no monte do Padornelo recuperou unha hectárea monte para convertela nun bosque de teixos, nunha zona plantada na súa práctica totalidade por eucaliptos. Esta experiencia, levouno a acometer durante tres anos unha investigación máis ampla sobre a flora e a fauna da Mariña.
Salvadores recoñece no seu libro que “sorprendeume moito atopar durante o desenvolvemento destes traballos especies que están, practicamente, desaparecidas na Mariña como poden ser as plantas de arandos, que eran moi abondosas e das que hoxe case non fica rastro. A nivel de flora atopei especies como o caracol quinquer, hoxe en vías de extinción no conxunto da Galiza, así como insectos ou mamíferos que non agardaba atopar nesta comarca”.
As razóns que levaron a Salvadores a crear este espazo no monte do Padornelo responden a súa vontade de “deixar biodiversidade que tanto necesita a nosa terra e o planeta, porque é deixar saúde, porque o que eu poida adiantar plantando é gañar tempo que non se pode comprar”. Na mesma dirección, afirma que con esta actuación “quero corrixir algo da miña pegada ecolóxica e devolver á terra o que ela me deu”.
A aposta de Salvadores polo teixo atende” a que hoxe quedan poucas exemplares porque non tivo moita sorte por tratarse dunha especie que tarda moito en medrar”. Neste sentido, lembra “o territorio galego estivo ocupado durante centos de anos polo teixo, como ficou reflectido na nosa toponimia. É unha árbore que representa a inmortalidade, por iso estaba plantada perto das igrexas”.
O autor do libro A fraga dos teixos considera que “o potencial forestal da Galiza é brutal. O problema é que monte está desordenado e a súa produción está dirixida á fabricación de celulosa e non xera valor engadido. A corta das árbores mata rasa, para entendernos a feito, só se fai a nas colonias, nos países subdesenvolvidos”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
