Ribadeo, 8 de abril de 2025. A XI Media Maratón Ribadeo-As Catedrais terá lugar o 13 de setembro. Esta edición chega con novidades no percorrido debido ás obras da rúa Buenos Aires. As inscricións para participar abriranse o 16 de abril ás 10 da mañá.
O concelleiro de Deportes, Francisco José SIlvent, dixo: “presentamos hoxe a décima primeira Media Maratón Ribadeo-As Catedrais, que se celebrará o 13 de setembro. As inscricións abriranse a vindeira semana, o 16 de abril ás 10 da mañá”.
O edil ribadense subliñou que “esta edición presenta novidades nos dous primeiros quilómetros debido ás obras que se acometerán na rúa Buenos Aires, e que nos obrigan a modificar a saída. A Media Maratón Ribadeo-As Catedrais partirá do Parque de San Francisco por Villafranca del Bierzo, Rodríguez Murias, San Roque, Virgen del Camino, Avenida de Galicia, José Vicente Pérez Martínez, Avenida de Asturias, estrada ata Vilavella, Amador Fernández, peirao de Mirasol e despois xa continúa polo seu percorrido habitual”.
Silvent dixo: “desde a organización agardamos que sexan moitas as corredoras e os corredores que se animen a participar nesta nova edición da media maratón. O ano pasado foron máis de 660 os deportistas que a correron e agardamos poder superar esa cifra neste 2025. Moitos veñen acompañados das súas familias ou de grupos de amigos e pasan a fin de semana na nosa vila, co que iso supón para os hoteis, para os restaurantes ou mesmo para o comercio”.
O concelleiro de Deportes tivo palabras de agradecemento para os colaboradores: “tamén queremos agradecer a todos os colaboradores a súa implicación coa Media Maratón Ribadeo-As Catedrais”.
Desde El Progreso manifestaron que “no grupo El Progreso estamos encantados de colaborar un ano máis con esta importante cita deportiva, que reúne a centos de corredores chegados en equipo ou acompañados polas súas familias para disfrutar da carreira e dunha fin de semana do verán en Ribadeo”.
A presidenta de Acisa, Carmen Cruzado, indicou que “toda actividade desta índole ten repercusións positivas na economía local e iso é sempre moi importante. Estamos a falar dunha fin de semana do mes de setembro, aínda no verán, polo que participantes e acompañantes aproveitarán para gozar da nosa vila, da súa paisaxe, do seu patrimonio cultural, da súa gastronomía e do seu comercio. Agardamos que un ano máis gocen de todo o que Ribadeo lles ofrece”.
Na presentación que tivo lugar esta mañá participaron o alcalde, Dani Vega, o concelleiro de Deportes, Francisco José Silvent, o técnico municipal de Deportes, Iván López, a presidenta de Acisa, Carmen Cruzado, o xerente do colectivo empresarial, Jesús Pérez, e Sandra González, a autora do cartel da décimo primeira edición da Media Maratón Ribadeo-As Catedrais.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
