A veciña de orixe senegalesa compartiu a súa experiencia persoal coas nenas e nenos de 6º de primaria do CEIP Os Castros e do CEIPP Vista Alegre, nunha actividade promovida pola Concellería de Inmigración e Cooperación de Burela
Burela, 29 de abril de 2025. O alumnado de 6º de primaria do CEIP Os Castros e do CEIP Vista Alegre participou esta semana nunha charla de sensibilización organizada pola Concellería de Inmigración e Cooperación, dentro do seu programa de atención a inmigrantes.
A actividade contou coa intervención de Alimatou Niang Ep Sarr, veciña da vila desde 2012 e de orixe senegalesa, quen compartiu coa rapazada a súa experiencia de vida marcada pola superación, a integración e a colaboración coa sociedade de acollida.
Durante a charla, Niang abordou cuestións como os desafíos de adaptarse a unha nova cultura, a importancia da perseveranza nas situacións difíciles e os valores da solidariedade e o respecto. A súa intervención foi ben recibida polo alumnado, que participou activamente e mostrou interese pola súa historia.
Segundo declarou o tenente da alcaldesa, Mario Pillado, este tipo de actividades resultan especialmente valiosas para a comunidade educativa: “Para nós é moi importante seguir levando experiencias de integración aos centros educativos e cremos que é moi proveitoso para todo o alumnado este caso concreto de Alimatou Niang. En próximas datas faremos tamén visitas ós centros de secundaria para dar continuidade á actividade”, asegurou o tenente da alcaldesa, Mario Pillado.
Esta acción forma parte dunha actividade de mediación social e/ou intercultural, encadrada dentro do programa dirixido á inclusión social da poboación inmigrante. O programa está financiado pola Consellería de Política Social e Xuventude da Xunta de Galicia e cofinanciado pola Unión Europea a través do Programa FSE+ Galicia 2021-2027.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
