Ribadeo, 29 de abril de 2025. En Ribadeo rematan hoxe os trámites para a licitación do servizo de abastecemento de auga potable e para a expropiación de Casa Maseda. Será no pleno municipal que se celebrará esta tarde.
O alcalde, Dani Vega, dixo que “esta tarde noite temos un pleno municipal onde abordamos asuntos de interese. Durante todo este período, un ano e pouco de goberno, nos plenos abordamos asuntos moi importantes e fundamentais. É verdade que con moita tramitación administrativa. Son plenos que queren abordar asuntos que levaban parados moito tempo”.
O rexedor subliñou: “por exemplo, a licitación do servizo do abastecemento da auga potable, a rede de saneamento e depuración de augas residuais. É un tema fundamental. Hoxe concluímos todo un proceso de traballo administrativo burocrático e polo tanto licitaremos o servizo da auga. É verdade que non nos vamos a quedar aí. Nosoutros tamén fomos capaces de xestionar durante este ano e pouco un convenio coa Xunta de Galicia, con Augas de Galicia concretamente, de 7,5 millóns de euros, unha obra total de 8,5 millóns para mellorar toda a rede de abastecemento de auga”. Para Dani Vega “os servizos son básicos, se queremos ter vivenda, se queremos ter industria, se queremos ter un pobo avanzado, necesitamos unha rede de abastecemento de auga digna, e non ter estas roturas continuas todos os días. Hoxe damos outro paso máis, non só tendo un convenio que nos garante esa obra, senón tamén licitando para que as empresas se presenten e durante os próximos anos ter esa tranquilidade de que haxa unha boa xestión da auga, unha empresa que xestione perfectamente todo este servizo”.
O alcalde comentou: “son temas farragosos, pero moi importantes. E tamén levamos ao pleno de hoxe a expropiación da Casa Maseda. Aquí a tramitación durante este ano foi complexa, houbo que contestar ás alegacións, desestimámolas e agora o que vamos é xa declarar expropiada a Casa Maseda e instar á Xunta á ocupación urxente dado o estado ruinoso do edificio. Deste xeito damos un paso máis tamén en garantir ter edificios significativos cunha carga histórica, cun sitio estratéxico, garantir que sexan públicos cunha estratexia pública e evidentemente con obxectivos, e neste caso o que queremos é converter a Casa Maceda nunha casa para ben público, de interese público, como é unha oficina de turismo, como tamén é darlle cabida á Xunta coa súa oficina de destino turístico Galicia, esa marca Galicia Calidade e tamén un punto de información ao peregrino”.
Dani Vega engadiu: “concluímos dous temas neste pleno que levamos abordando durante moito tempo, pero que esa administración, esa carga da administración burocrática, creo que é abusiva e eu creo que é moi farragosa. Pouco a pouco vamos dando resposta a moitos temas e pouco a pouco vamos dando resposta a temas que estaban olvidados e xa vamos concretar para ir investindo e mellorando ese Ribadeo que queremos que avance”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
