A Deputación desenvolverá estas viaxes gratuítas pola xeografía lucense nas que participarán entidades sen ánimo de lucro dos 67 concellos da provincia, dende esta semana e ata o 27 de xuño e de setembro a outubro
Lugo, 3 de abril de 2025. A Deputación de Lugo vén de arrancar esta semana a quinta tempada do Coñece a túa provincia, o programa de viaxes gratuítas que impulsa a institución provincial do que se beneficiarán 3.036 persoas e no que participarán entidades sen ánimo de lucro que teñen a súa sede nalgún dos 67 concellos da nosa provincia, e que ten como obxectivo impulsar o turismo de proximidade e dinamizar a economía local. A tempada desenvolverase en dúas quendas, dende esta semana ata o 27 de xuño; e de setembro ao mes de outubro.
A Deputada de Réxime Interior, Promoción do Territorio e Turismo, Pilar García Porto, deu a benvida este xoves no Pazo de San Marcos a un dos primeiros grupos deste arranque de tempada. Trátase dos integrantes da Asociación Sociocultural de Veciños Camiño Real de Meixonfrío, de Taboada, que elixiron como destino A Mariña Lucense.
O programa Coñece a túa Provincia, que se iniciou en 2021, segue consolidándose como unha das iniciativas máis exitosas da Deputación de Lugo. “Desde a súa creación, este programa demostrou ser un rotundo éxito, en termos de participación e de beneficios económicos xerados para a nosa provincia, apuntou a Deputada. Segundo sinalou, “esta iniciativa superou os 600.000 euros de retorno económico promovendo o turismo local e contribuíndo de maneira directa á dinamización económica dos nosos concellos”, comentou a Deputada.
Pilar García Porto subliñou que dado o éxito da iniciativa a institución provincial mellorou a oferta do programa, engadindo novas rutas e itinerarios cada tempada. Na súa quinta edición, como novidade, inclúese a incorporación de rutas accesibles para persoas con mobilidade reducida, un paso importante cara unha oferta turística máis inclusiva. “Queremos que todas as persoas poidan gozar da nosa rica e variada oferta turística, facendo do turismo unha ferramenta de inclusión, accesibilidade e desenvolvemento para todas e todos”.
Ademais, García Porto aproveitou a ocasión para desexar experiencias únicas nestes novos percorridos aos participantes. “Estou segura de que este programa continuará sendo unha fonte de enriquecemento para todas as persoas que o desfruten e que, ao mesmo tempo, seguirá contribuíndo ao impulso da economía da nosa provincia”, apuntou.
A tempada comezou este mércores coa Asociación de Veciños Santo Cristo das parroquias de San Fiz de Cangas e San Julian de Serode, de Pantón. O grupo partiu da Granxa Gayoso Castro para achegarse ata A Mariña e coñecer o municipio de Burela.
Este xoves, ademais da asociación taboadesa de Veciños Camiño Real de Meixonfrío, tamén viaxaron ata a comarca mariñá os da Asociación de Comerciantes e Artesanos de Samos, tras coñecer as instalacións da Granxa provincial. O grupo percorrerá a pé un tramo do paseo de Barreiros, visitará a praia das Catedrais e logo desprazarase a Rinlo.
Por último, o venres a Asociación Veciñal e Cultural Caballo Branco de Santiago de Cangas, de Pantón, partirán do Centro de Interpretación Terras do Miño para visitar o municipio de Monforte de Lemos, que inclúe unha viaxe en catamarán polos Canóns do Sil.
Preto de 2 mil persoas de 85 asociacións viaxarán esta primavera
Como en edicións anteriores, nesta quinta tempada, o Coñece a túa provincia desenvolverase en dúas quendas. A primeira desenvolverase durante a primavera, desde esta primeira semana do mes de abril e ata o 27 de xuño, e contará con preto de 2.000 viaxeiros de 85 asociacións. A segunda, arrancará en setembro e organizará rutas pola provincia ata o mes de outubro.
A iniciativa mantén este ano os 44 itinerarios turísticos por toda a provincia e inclúe 7 rutas accesibles para persoas con mobilidade reducida, reforzando o carácter inclusivo da iniciativa. As excursións concedidas cubrirán todos os aspectos necesarios para gozar dunha experiencia completa, incluíndo transporte, seguros de viaxeiros, menú de xantar, entradas a lugares de interese e a presenza dun guía oficial habilitado durante todo o percorrido.
O programa Coñece a túa Provincia inclúe, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas realízanas profesionais que contan coa habilitación de guía oficial de turismo de Galicia e persoal de atención ao público nos diferentes museos, empresas ou obradoiros sinalados nos itinerarios do programa.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
