A subdelegada defendeu na súa intervención as políticas laborais do Goberno, cunha tendencia á baixa do desemprego en Lugo e unha maior cobertura económica e social coa suba do SMI e o Ingreso Mínimo Vital
Lugo, 3 de abril de 2025- A subdelegada do Goberno en Lugo, Isabel Rodríguez, participou hoxe na inauguración do 3º Congreso da UGT Lugo, Lemos e Costa, onde resaltou os significativos avances en materia de emprego e dereitos sociais na provincia.
Rodríguez salientou a notable diminución do desemprego en Galicia, sinalando que en marzo o paro rexistrado baixou en 1.822 persoas, situando á comunidade como a terceira en España con maior redución en termos absolutos. En particular, a provincia de Lugo experimentou unha diminución de 302 desempregados, reflectindo unha tendencia positiva no mercado laboral local.
Na súa intervención, a subdelegada destacou as políticas implementadas polo Goberno de España, como a reforma laboral e o incremento do Salario Mínimo Interprofesional (SMI). Este último experimentou un aumento do 5% en 2024, pasando de 1.080 euros a 1.134 euros mensuais en 14 pagas, “beneficiando a numerosos traballadores e traballadoras na provincia”.
Así mesmo, Rodríguez subliñou a importancia do Ingreso Mínimo Vital (IMV) na loita contra a pobreza e a exclusión social. Segundo datos oficiais, na provincia de Lugo ao redor de 13.000 persoas benefícianse desta prestación, “o que representa un apoio crucial para os fogares máis vulnerables”.
A subdelegada reafirmou o compromiso do Goberno en continuar traballando xunto aos sindicatos, administracións e empresas para consolidar estes avances e enfrontar os desafíos pendentes en materia de conciliación, igualdade real e recoñecemento dos coidados. “O diálogo social seguirá sendo a ferramenta esencial para alcanzar novos dereitos e consolidar os xa logrados”, concluíu Rodríguez.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
