Burela, 4 de abril, 2025. O director xeral de Familia, Infancia e Dinamización Demográfica da Xunta de Galicia, Jacobo Rey, visitou esta mañá o Centro de Día de Menores San Aníbal (Burela) xunto á alcaldesa, Carmela López, e o director territorial da Consellería de Política Social e Igualdade, Óscar Viñas.
O motivo desta visita foi inaugurar a nova zona de xogos exterior do Centro de Día de Menores San Aníbal, proxecto realizado coas axudas recibidas da Consellería de Política Social e Igualdade da Xunta de Galicia grazas ó recadro de fins sociais da Renda 2023, e que consistiu na renovación do parque infantil exterior do Centro de Día cun novo pavimento e xogos adaptados a nenos e nenas con diversidade funcional, así como o mantemento da pista polideportiva do Centro de Día.
Na súa visita estiveron acompañados polo equipo directivo dos Centros San Aníbal e representantes da corporación municipal, como Alejandra Fernández e Félix Martins.
A continuación, celebrouse unha rolda de prensa na que o director da Obra Social das Fillas do Divino Celo, Jesús Iglesias, presentou a Memoria 2024 da Obra Social da entidade, facendo balance da actividade dos seus diferentes centros e programas, a través dos cales se atenderon no último ano 99 usuarios e 75 familias.
Tamén destacou a importancia da xestión da calidade, xa que a Obra Social das Fillas do Divino Celo conta con diferentes certificacións que garanten a calidade dos seus servizos (ISO 9001), a conciliación da vida persoal, familiar e laboral (Empresa Familiarmente Responsable, EFR) e a protección fronte á violencia nunha contorna laboral segura (UNE 0070).
A alcaldesa de Burela, Carmela López, felicitou á Congregación de Fillas do Divino Celo e a todo o seu equipo de traballadores polo labor que realizan desde os seus centros, especialmente en favor do benestar dos menores.
Pola súa banda, o director xeral de Familia, Infancia e Dinamización Demográfica da Xunta de Galicia, Jacobo Rey, destacou unha vez máis aos Centros San Aníbal de Burela como grandes referentes da atención de menores en Galicia. E, tomando como referencia os datos da propia memoria da entidade, puxo en valor os resultados das enquisas de calidade aos seus usuarios, que presentan máis dun 91% de satisfacción co servizo á súa saída do programa.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
