O voceiro popular en Ribeira de Piquín pon sobre a mesa que “a realidade é que pese a que o alcalde non se cansa de anunciar que se crean postos de traballo, a adquisición da gasolineira, a piscifactoría, a plantación de kiwis ou a granxa de porco celta non serviron para asentar poboación no municipio nin ter novos traballadores”
Lugo, 1 de abril de 2025. Os deputados do Grupo Provincial Popular acusan a José Tomé de empregar a Deputación de Lugo como fonte de financiamento para pagar os soldos de alcaldes socialistas na provincia, concretamente o do alcalde de Ribeira de Piquín, Roberto Fernández, deputado socialista na Deputación entre os anos 2019 e 2023.
O Concello de Ribeira de Piquín creou en 2021 a Fundación Terreo, un ente sen ánimo de lucro que ten como fin facer medrar a economía rural e frear a despoboación a rexión a través de proxectos acuícolas e agrarios.
O voceiro provincial popular, Antonio Ameijide, explica que para axudar ao Concello de Ribeira de Piquín a desenvolver as actividades e afrontar os gastos xerados na Fundación Terreo, a Deputación colabora economicamente a través de diversos convenios (en 2024 aportou 333.000€) pero a realidade é que “nin están a xerar emprego nin están a fixar poboación”.
A realidade é que entre os poucos postos de traballo, está o de xerente da Fundación, asignado ao alcalde de Ribeira de Piquín (con dedicación ao 25%) cun salario de 1.579,47€/mes (total anual de 18.953,64€) e outros na piscifactoría vinculada á Fundación.
“Vemos como o alcalde ten unha dedicación parcial no Concello ao 75%, pola que percibe 34.848€, ao que agora se engade o salario como xerente da Fundación (xa era o Presidente patrono da mesma)”, denuncia. “Deste xeito consigue sortear o tope legal que ten como alcalde en función da poboación do municipio”, afirmou.
O outro posto de traballo creado é na piscifactoría. “É curioso tamén xa que a Fundación mercou a piscifactoría ao seu propietario, persoa á que logo contrataron na mesma cunha asignación mensual”, afirmou.
Outra das metas da Fundación Terreo era fixar poboación, pero dende a súa creación Ribeira de Piquín seguiu a liña que viña experimentando, perdendo habitantes cada ano.
2014: 583 habitantes.
2015: 580 habitantes.
2016: 570 habitantes.
2017: 554 habitantes.
2018: 543 habitantes.
2019: 528 habitantes.
2020: 513 habitantes.
2021: 513 habitantes.
2022: 500 habitantes.
2023: 497 habitantes.
2024: 492 habitantes.
“Queda claro que José Tomé o que está a facer é financiar os salarios de alcaldes socialistas porque a Fundación Terreo non acadou ningunha das súas metas marcadas, nin fixaron poboación nin xeraron postos de emprego no municipio”, denunciou.
Pola súa banda, o voceiro do PP en Ribeira de Piquín, explica que “pese a que o alcalde non se cansa de falar dunha suposta creación de postos de traballo, vemos como a realidade é que a adquisición da piscifactoría, a gasolineira, a plantación de kiwis ou a granxa de porco celta non serviron para ter novos traballadores nin para asentar poboación no municipio”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
