O popular preguntou á Secretaria de Estado de Industria se o Goberno de Sánchez vai compensar ás empresas polos custes nos que están incorrendo polo apagamento debido á “mala xestión” do seu Executivo
Madrid, 27 de maio de 2025. O deputado do PP lucense, Francisco Conde, afeou que “hoxe o Congreso dos Deputados o único que coñece en relación á planta da Mariña é que Alcoa paralizou o arranque das cubas previsto para o 1 de outubro do 2025 porque non ten ningunha confianza na garantía do subministro. Non se fía do Goberno de Sánchez porque nos volveu enganar e non garante un prezo eléctrico competitivo”.
Conde aclarou este martes na Comisión de Industria e Turismo do Congreso dos Deputados que “a bonificación de peaxes e os custes de compensación non están en vigor e, polo tanto, non están dando respostas ás empresas”.
O deputado lucense e portavoz de Industria do Grupo Popular dirixíase á Secretaria de Estado de Industria, Rebeca Torró, para abordar as medidas en vigor e o seu impacto económico previsto para que as empresas electrointensivas e de coxeneración poidan competir en igualdade de condicións cos seus competidores na Unión Europea.
Nese sentido, Conde especificou que “no ano 2024 executáronse 180M€ de bonificación de peaxes que nestes momentos non teñen cobertura legal porque non están en vigor dende o 1 de xaneiro de 2025”. E sobre os custes de compensación indicou que “as empresas lle trasladaron ao Ministerio de Transición Ecolóxica que son 917M€ os que teñen para compensar”.
Ademais, lembrou que “o Estatuto de consumidores electrointensivos leva máis de 2 anos para a súa modificación e que no ano 2024 tan só supuxo 29M€”. E engadiu que “desde fai 5 años, non se publicaron as subastas de aquelas centrais que terminaban a súa vida”.
APAGAMENTO: UN CUSTO REPUTACIONAL E ECONÓMICO
O portavoz de Industria do Grupo Popular considera que o apagamento supuxo “un custo reputacional” -porque fixemos o ridículo a nivel internacional- e “un custo económico” -as empresas terían que asumir nun ano 4.000M€ polos servizos de axuste e o Goberno nin sequera é capaz de concretar un prazo no que van ter que seguir asumindo eses custos-.
Así, Conde preguntou á Secretaria de Estado de Industria se o Goberno vai compensar ás empresas polos custes operativos e financeiros nos que están incorrendo polo apagamento derivado da “mala xestión” do Executivo estatal.
O popular indicou que “o Goberno de Sánchez fracasou na xestión do mix enerxético” composto de renovables e de enerxías de respaldo. “O apagamento é simplemente unha consecuencia do seu fracaso”, incidiu.
Así mesmo, considera “aínda máis preocupante” que “o Goberno de Sánchez diga que non sabe o que pasou”. Nese caso, considera que “ao mellor non se atreven a recoñecer o que pasou polas consecuencias económicas e as responsabilidades políticas que terían que asumir”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
