Ribadeo, 10 de maio de 2025. O salón dos alcaldes acolleu a presentación da terceira edición do Vendaval Fest, que se celebrará en Ribadeo do 25 ao 27 de xullo.
O alcalde, Dani Vega, subliñou “a colaboración do Concello coa organización do Vendaval Fest, que tamén conta co apoio doutras administracións como a Xunta de Galicia e a Deputación de Lugo, de entidades como Acisa e de patrocinadores privados”.
O rexedor dixo que “é unha satisfacción que un colectivo de rapazas e rapaces novos organicen esta cita musical e outras moitas actividades ao longo do ano. Como por exemplo O Galiñeiro, a Festa da Ría ou a Pre Festa de Fin de Ano. Co Vendaval colaboramos e noutras actividades organizamos xunto á asociación Catro Caños”.
Na súa intervención subliñou que “é bo beber de fontes sas, como a dos Catro Caños, que impulsas tanta actividade cultural en Ribadeo”.
Desde asociación Catro Caños aseguraron: “estamos moi orgullos de que no noso terceiro ano poidamos conseguir que tres das máis grandes bandas nacionais pisen a nosa vila. O Vendaval Fest comeza a marcarse xa no calendario de moita xente, e non só polos seus cabezas de cartel, senón polo conxunto de todas as agrupacións, xa que calquera das bandas que pisan o noso escenario teñen unha calidade incrible”.
O 25 de xullo actuarán os grupos Cuarta Xusta, Sandford Music Factory, Rienda Suelta e como pratos principais Boikot e Lendakaris Muertos. “Estes últimos realizarán o seu concerto de despedida no noroeste de España antes dun parón indefinido. E nos cambios de grupos, teremos outro ano máis ao noso DJ residente Tralla”.
O día 26 de xullo pasarán polo Vendaval Fest as bandas Secta, The Grandlass Sinners, The Mother Crow, Aphonic, Skama la rede e Reincidentes.
O domingo dia 27: “como nos gusta despedirnos rodeados dos nosos veciños e amigos, a partir das 1 do mediodía, na praza do cantón, teremos un vermú de despedida cos incombustibles DJ atómica e DJ Tralla”.
Desde Catro Caño subliñaron que “a intención dende a nosa asociación sempre foi o consumo local. Practicamente a totalidade dos nosos servizos quedan na vila. Unha das colaboracións que máis destacaríamos para demostrar este feito é a que temos con Acisa, coa que preparamos unha serie de descontos cos seus asociados. A fin de semana do Vendaval, chegará con mostrar a pulseira do festival nos comercios para poder obter os mellores prezos. O Vendaval é cultura, pero tamén é desenvolvemento local, dinamización social e orgullo territorial”.
O Vendaval Fest inclúe actividades para os máis pequenos, pasarrúas, mercado artesanal e zona de acampada, ademais de manter o seu compromiso “cun evento sostible e responsable, co uso racional dos recursos, vasos retornables, control de residuos e comunicación maioritariamente dixital”.
Á presentación deste mediodía asistiron representantes do Concello de Ribadeo, da Xunta de Galicia, da Deputación de Lugo e de Acisa.
Acisa, entidade colaboradora
O xerente de Acisa, Jesús Pérez, comentou que “dende Acisa Ribadeo colaboramos nesta nova edición do Vendaval Fest, un festival musical que se está a asentar e consolidar coma un referente e cita imperdoable para centos de persoas. Acisa colabora economicamente coa asociación Catro Caños, promotora do evento, sempre dentro das nosas humildes posibilidades, pero facémolo coa firme convicción de que actividades deste tipo son boas para o conxunto e Ribadeo e por suposto para o tecido hostaleiro e comercial asociados”.
Pérez Prada dixo: “ademais no caso do Vendaval Fest, estamos moi satisfeitos de ter conseguido xerar sinerxías, entre eles e nos, indo mais aló dunha colaboración económica, cunha campaña conxunta que pretende promocionar o comercio e a hostalaría local entre os asistentes ao festival. O ano pasado puxemos en marcha a campaña Os prezos saen voando na que mais de 15 establecementos asociados a Acisa ofreceron descontos especiais para os asistentes ao festival, solo sendo necesario posuír a pulseira de acceso ao festival e ensinala á hora de pagar, e así o negocio aplicaba o desconto ou promoción á compra ou consumición realizadas. E por elo nesta edición repetiremos esta campaña que o pasado ano funcionou tan ben, e conseguiu que o Vendaval Fest repercutira tamén no comercio e na hostalaría da vila, e non se quedara só no recinto do festival”.
Pérez Prada manifestou: “queremos desexarlle a mellor das sortes ao Vendaval Fest nesta terceira edición, que seguro vai ser un éxito. Dende Acisa consideramos que iniciativas así son moi importantes para o fomento da economía local, estamos seguros de que moitos veciños e veciñas animaranse esta fin de semana a saír e desfrutar das compras na nosa vila e de gozar da oferta hostaleira local, e que serán moitos os visitantes que se acheguen a Ribadeo grazas á musica e a proposta do Vendaval Fest, por iso desde Acisa quixemos colaborar neste evento”.
E engadiu: “ dende Acisa Ribadeo queremos agradecer aos organizadores do Vendaval Fest que quixeran contar con nos como colaboradores e que ademais buscasen a fórmula para involucrar ao tecido empresarial co seu festival. É de destacar e de agradecer que toda a inversión que ten o festival se faga en empresas locais, contribuíndo así na economía local ribadense. Implican a todo tipo de empresas e fan que o festival vaia máis aló do propio recinto. Parécenos moi importante a colaboración público privada para entidades e eventos deste tipo, así como a presenza de patrocinadores privados, que neste caso moitos deles son firmar de Ribadeo, que confían neste evento como motor económico”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
