Ribadeo, 30 de maio de 2025. Esta fin de semana, 31 de maio e 1 de xuño, terá lugar o XX Torneo Alevín e Biberón de Fútbol Base da SD Ribadeo, que reunirá na vila a máis de 900 nenas e nenos e a 150 adestradores de equipos procedentes de Galicia, Asturias, Cantabria e Castela-León.
Os partidos xogaranse no estadio municipal Pepe Barrera, no Ceip Gregorio Sanz e no Campo da Vía.
Na presentación participaron o presidente da SD Ribadeo, Óscar Otero; o coordenador de Fútbol 8 da SD Ribadeo, Aitor García; a presidenta e o xerente de Acisa, Carmen Cruzado e Jesús Pérez; o alcalde ribadense, Dani Vega; o xefe do Servizo Provincial de Deportes da Xunta en Lugo, Manuel Otero; o concelleiro de Deportes, Francisco José Silvent; e o técnico municipal de Deportes, Iván López.
O concelleiro de Deportes, Francisco José Silvent, sinalou que “un ano máis desde o Concello colaboramos coa SD Ribadeo na organización dos tres torneos de fútbol base que se van disputar os días 31 de maio e 1 de xuño, 7 e 8 de xuño e 14 e 15 de xuño. Estamos encantados de facelo por todo o que supoñen desde o ámbito deportivo como para os negocios de Ribadeo na antesala do verán así como desde o punto de vista turístico, porque quen visita o noso concello a través do deporte despois acaba facéndoo a título persoal. Ribadeo sempre sorprende a quen nos visita
A presidenta de Acisa, Carmen Cruzado, declarou: “para Ribadeo estas tres fins de semana van ser moi importantes polo que supoñerán para a dinamización económica do noso municipio: para a hostalería, para os hoteis, pero tamén para o comercio. Estamos en xuño, a piques de iniciar a tempada alta, e creo que vai a ser un mes moi potente grazas á celebración destes torneos da SD Ribadeo. Agardamos que sexan un éxito, ao igual que o foron en edicións anteriores”.
O presidente da SD Ribadeo, Óscar Otero, sinalou que “se trata dun evento futbolístico moi importante para o club , que continúa gañando en nivel ano tras ano”. E destacou que a participación increméntase nesta edición: “un xuño máis numerosos clubs de Galicia, Asturias, Cantabria, Castilla León e ata de Portugal e Reino Unido daranse cita en Ribadeo para disfrutar destes fins de semana de fútbol, da nosa vila e da comarca. Neste 2025 temos anotados 32 equipos benxamíns, 21 prebenxamíns, 60 alevíns, 4 de iniciación e 44 infantís, o que supón que moitos cativos e as súas familias se despracen a Ribadeo durante este mes, contribuíndo os nosos torneos dun xeito moi importante á dinamización económica da zona”.
E engadiu: “desde a directiva agradecemos de antemán todas as axudas que por parte da Xunta, Concello, Deputación, Acisa, institucións públicas e privadas, e particulares nos achegan para levar a cabo a organización deste evento; e moi especialmente a colaboración das familias que forman a SD Ribadeo, para que os cativos poidan disfrutar ao máximo destas xornadas de convivencia e festa do fútbol
Organiza os torneos a SD Ribadeo, coorganiza Deporte Galego e colaboran Concello de Ribadeo, Acisa, Deputación de Lugo, Gadis e Eroski.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
