Viveiro, 8 de maio de 2025. Esta tarde presentouse en Viveiro a sétima edición do Rally da Mariña Lucense, que se disputará esta fin de semana -10 ao 11 de maio – nos concellos de Ourol, Cervo, Xove e O Vicedo, e que terá a base en Viveiro.
A Vicepresidencia da Deputación de Lugo é a principal patrocinadora da proba, que impulsa desde a súa posta en marcha, en 2019, situando a comarca da Mariña no calendario do automobilismo galego de asfalto.
O Rally alcanza nesta edición os 101 equipos inscritos -25 máis que na pasada edición-, reforzando unha proba que vai gañando participantes e afección ao longo dos anos.
Na presentación, o vicepresidente da Deputación de Lugo Efrén Castro valorou a traxectoria da proba e destacou a participación local cunha ducia de equipos da comarca na liña de saida”, explicando que “o obxectivo do apoio da Vicepresidencia da Deputación de Lugo ao tecido deportivo, neste caso á Mix Rallye Sports, é fomentar e facilitar a práctica deportiva en toda a provincia”
Tamén animou “a afeccionadas e afeccionados de toda Galiza a achegarse ata a Mariña para desfrutar do Rally, no que o espectáculo deportivo está garantizado coa presenza dos mellores pilotos galegos”.
No acto, celebrado no Hotel Las Sirenas, participaron pilotos locais, membros da escudería organizador Mix Rallye Sports e representantes dos concellos polos que pasa a proba, da Xunta de Galicia e da Subdelegación do Goberno -que coordina a seguridade – .
Apoio ao automobilismo
O apoio á celebración do Rally da Mariña -cunha achega de 23.000 euros – encádrase na colaboración que a Vicepresidencia da Deputación de Lugo mantén co tecido automobilistico provincial, co patrocinio das probas máis destacadas da provincia – Rallly San Froilán, Subida a Chantada, Subida á Pontenova e Subida a Taboada -, a organización do Volante Deputación, orientada a pilotos noveis que se queren iniciar na competición, e coa convocatoria anual de axudas de concorrencia competitiva para pilotos.
Apoio da Xunta
O delegado territorial de Lugo, Javier Arias, subliñou o importante activo económico e turístico que representan este tipo de convocatorias. “A unión de deporte e turismo é unha combinación gañadora -afirmou-, e probas como o Rally da Mariña contribúen a reforzar a marca Galicia e a posicionar a nosa provincia como un referente no mundo do motor”.
Neste sentido, lembrou que Galicia ocupa un lugar destacado no panorama automobilístico nacional, sendo a segunda comunidade en número de licenzas federativas e a terceira en canto a clubs.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
