Os deputados provinciais do Partido Popular mantiveron unha reunión de traballo en Castroverde con portavoces de municipios onde a Deputación de Lugo ten abertos os centros de maiores co servizo de residencia, pero non o de centro de día do que se poderían estar beneficiando a máis de 150 familias
Lugo, 14 de maio de 2025. Os deputados do Grupo Provincial Popular mantiveron unha reunión de traballo en Castroverde co portavoz, Pablo Figueiras, e concelleiros no municipio e con portavoces do Partido Popular de concellos onde a Deputación de Lugo dispón de centros de atención a maiores co servizo residencial en funcionamento, pero cos anunciados centros de día “sen poñer en marcha en ningún”.
Os populares impulsarán, polo tanto, “unha acción conxunta dende o Grupo Provincial Popular na Deputación e as agrupacións locais nos Concellos afectados para esixir a apertura destes servizos que permitirían atender aos maiores e favorecerían a conciliación das familias”.
De feito, “poderían verse beneficiadas máis de 150 familias porque suman máis de 150 as prazas previstas nos centros de Trabada, Pol, A Fonsagrada, Pedrafita do Cebreiro, Navia de Suarna, Meira e Ribas de Sil. O caso da residencia de Ribadeo é distinto porque tivo unha orixe diferente.
Ameijide lembra que “o goberno de PSOE e BNG comprometérase a construír e poñer en marcha non só o servizo en réxime de residencia, senón tamén os centros de día; un compromiso que Tomé e o seu goberno están a incumprir, nalgún caso, dende fai máis de cinco anos que levan en funcionamento as primeiras residencias”.
Os populares consideran que “estes centros construídos con fondos públicos de tódolos lucenses están, polo tanto, infrautilizados” toda vez que “foron concibidos para acoller residencias e centros de día, pero este último servizo non está en marcha”. Así, defenden que “o gasto para a prestación deste servizo non sería elevado porque xa se dispón de infraestruturas e os gastos xerais son os mesmos que o do servizo da residencia”.
RESIDENCIAS PENDENTES
Ameijide incide tamén en esixir ao goberno de PSOE e BNG que “os centros construídos que non están abertos, aqueles en construción ou os comprometidos -e que o goberno mantén paralizados- abran dende o minuto 1 coa posta en funcionamento tanto da residencia como do centro de día”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
