A formación socialista acusa ao alcalde de anunciar propostas que el mesmo rexeitou no pasado e de desatender durante anos as necesidades básicas do municipio
Xove, 7 de Maio de 2025. O PSdeG-PSOE de Xove denuncia a falta de xestión do alcalde Demetrio Salgueiro tras 17 anos á fronte do Concello, durante os que non foi quen de dar resposta ás necesidades básicas da veciñanza. A formación socialista critica especialmente a ausencia de avances na mellora da rede viaria e considera inxustificable a intención do rexedor de aplicar un expediente de regulación de emprego (ERE) ao persoal municipal, nun contexto marcado pola falta de planificación e polo rexeitamento previo de propostas clave presentadas pola oposición.
Propostas rexeitadas, agora anunciadas polo alcalde
A formación socialista denuncia que as actuacións anunciadas recentemente polo rexedor en materia de infraestruturas, como a mellora da rede viaria ou o impulso de proxectos estratéxicos, foron previamente propostas polo grupo socialista e rexeitadas polo propio goberno local.
En concreto, os socialistas lembran que iniciativas como o polígono industrial ou a recuperación do Portiño de Morás foron defendidas polo PSdeG durante o debate orzamentario de 2024, sen obter apoio do executivo. “Resulta incoherente que agora se presenten como novidades proxectos que foron desbotados cando se tiña a oportunidade de impulsalos”, sinalan.
Inacción municipal nas estradas fronte ao compromiso da Deputación
En relación ás estradas, os socialistas critican que o alcalde leve anos queixándose dun convenio que el mesmo propuxo, pero que nunca foi quen de poñer en marcha. Subliñan que “é o actual goberno da Deputación de Lugo, presidido por José Tomé Roca, quen está a traballar para mellorar a rede viaria no municipio, co obxectivo de garatir unhas comunicacións seguras e dignas para a veciñanza”. Acusan a Salgueiro de desinterese e de non ter actuado en 17 anos para resolver as deficiencias viarias que afectan a Xove.
Rexeitamento a un posible ERE para o persoal municipal
Así mesmo, o PSdeG-PSOE de Xove considera especialmente grave que o alcalde propoña un expediente de regulación de emprego (ERE) para o persoal municipal. Nun concello de arredor de 3.500 habitantes, con cinco dedicacións retribuídas e máis de tres millóns de euros en partidas de mantemento, a formación considera que “existen marxes de revisión e axuste que deben abordarse antes de tomar medidas que afecten ao cadro de persoal”.
Compromiso da Deputación con todos os concellos
Os socialistas rexeitan as declaracións de Demetrio, nas que acusa a Deputación de Lugo de discriminación fronte a outros concellos. Lembran que municipios como Cervo, gobernado polo Partido Popular, tamén contan con investimentos provinciais, o que demostra que os criterios de reparto responden a criterios obxectivos e non a afinidades políticas. “O que está en cuestión non é a cor política das institucións, senón a capacidade de xestión e a vontade de traballar por Xove, que o actual goberno local non ten demostrado”, conclúen.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
