Ribadeo, 9 de maio de 2025. O X Ribadeo Indiano, que se celebrará do 11 ao 13 de xullo, estará dedicado á figura do filántropo Ramón González. Concello e Acisa presentaron o cartel desta nova edición do evento.
O alcalde, Dani Vega, declarou: “os días 11, 12 e 13 de xullo vamos celebrar o Ribadeo Indiano. Dez anos de historia, de poñer en valor toda unha cultura arquitectónica, social, unha reivindicación de cómo somos. Eses dez anos de historia queremos dedicarllos á filantropía, queremos dedicarllos a un dos indianos máis coñecidos e recoñecidos en Ribadeo, que é Ramón González”.
O rexedor contou que “naceu en Ribadeo, estudou Náutica e Comercio e despois marchou para a Arxentina, onde traballou como empregado e tamén foi quen de participar en moitas sociedades e crea a súa propia empresa. Con todo o esforzo fai unha grande fortuna.
Despois de case tres décadas na Arxentina retornou a Ribadeo, onde desenvolveu unha importante labor filantrópica e de entrega. Foi membro da Sociedade de Socorros Mutuos e Instrución La Concordia, que presidiu no ano 1910. Tamén pertenceu ao Ateneo de Ribadeo, subvencionando as clases e comprando instrumentos para o alumnado. Tamén achegou cartos para o financiamento do Teatro, colaborou nas festas patronais e doou unha importante cantidade de diñeiro para a construción da praza de abastos da vila. No ano 1922 foi nomeado fillo predilecto e Ribadeo rendeulle unha grande homenaxe en colaboración co Ateneo y A Concordia”.
Vega indicou: “e nosoutros o que queremos é dedicarlle no 2025 dedicarlle o Ribadeo Indiano a este filántropo. A filantropía segue e moitas persoas seguen colaborando co Concello para que esta celebración e reivindicación histórica siga celebrándose”.
A alcalde engadiu: “e outra cousa queremos anunciar, o día 13 de xullo teremos en Ribadeo á mellor orquestra latinoamericana: Los Van Van. Dentro das moitas actividades hoxe queremos destacar a ata, a persoa á que se homenaxea e ese domingo grande, ese domingo 13 de xullo, haberá un gran concerto con Los Van Van”.
E tivo palabras de agradecemento “para Acisa por todo o traballo que está a realizar, coorganiza este evento co Concello, tamén á Xunta de Galicia xa que é a administración que máis aporta para esta celebración e tamén á Deputación, que colabora a través de Acisa, e a todas aquelas persoas que están facendo posible que o Ribadeo Indiano siga ano tras ano, mellorando e entre todos que Ribadeo avance”.
A presidenta de Acisa, Carmen Cruzado, sinalou que “ao longo de dez anos varias foron as temáticas e os países aos que se dedicou o Ribadeo Indiano. Centralo neste 2025 na figura de Ramón González pareceunos moi acaído, porque se cumpren os 100 anos da súa morte. Ademais de todo o que fixo por Ribadeo tamén promoveu a apertura de varias sucursais do Banco Español de Río de la Plata en Vigo e en Santiago. E a súa pegada tamén está presente no Porriño, de onde era natural a súa dona, Corona González. Alí financiou o templo parroquial, o estadio municipal ou a casa consistorial”.
Cruzado Iglesias dixo: “estamos xa na conta atrás para a celebración do décimo aniversario do Ribadeo Indiano, para que as rúas se inunden de historia, de branco e de xente disposta a render homenaxe a todas aquelas persoas que un día marcharon na busca dun futuro mellor como fixo Ramón González. A algúns foilles moi ben, a outros non tanto, pero todos os que puideron facelo axudaron ao seu pobo a medrar e contribuíron a facer de Ribadeo unha vila importante”.
E engadiu: “a organización do Ribadeo Indiano (Concello e Acisa) está a ultimar o programa deste 2025, que será presentado ao longo das vindeiras semanas. Desde Acisa agradecemos á Área de Cultura da Vicepresidencia da Deputación de Lugo e á Xunta a súa colaboración e ao Concello o traballo conxunto para que o Ribadeo Indiano siga a ser a grande cita do verán na provincia de Lugo e unha das máis importantes de Galicia”.
Na presentación do cartel do Ribadeo Indiano 2025 participaron o alcalde, Dani Vega, as concelleiras de Cultura e Turismo, Begoña Sanjurjo e Marta Saiz, a presidenta de Acisa, Carmen Cruzado, o xerente do colectivo empresarial, Jesús Pérez, e Trinidad Otero, directiva da asociación.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
