Oito colectivos participantes de Begonte, Xermade, Lugo, Vilalba e Cospeito percorrerán ata o venres o norte e sur da provincia a través deste programa de viaxes gratuítas que a institución provincial ofrece a entidades sen ánimo de lucro para dinamizar a economía local
Lugo, 7 de maio de 2025. Preto de 200 veciños e veciñas da provincia de Lugo participan esta semana no programa de viaxes gratuítas da Deputación, Coñece a túa provincia. Os viaxeiros pertencen a oito asociacións dos concellos de Begonte, Xermade, Lugo, Vilalba e Cospeito, e uns percorrerán a comarca da Mariña e os outros descubrirán a Ribeira Sacra.
A primeira ruta desta semana, que tivo lugar este mesmo martes, realizárona os membros da Asociación Veciñal Os Milagres Saavedra, de Begonte, que iniciaron a viaxe na produtora do Servizo de Audiovisuais, para dirixirse á aldea de Pionerdo onde coñeceron a palloza-museo Casa Sesto, e posteriormente a vila de Navia de Suarna para ver o traballo dunha fábrica de embutidos. Ademais, a Asociación Amuraxe, de Xermade, visitará a fabrica de Sargadelos e, logo a vila de San Cibrao para achegarse ata o Museo do Mar e á praia do Torno.
Hoxe, mércores, tamén a Ribeira Sacra e A Mariña serán de novo as protagonistas. A Asociación de Veciños Comerciantes e Industriales Distrito Milagrosa, de Lugo; e a Asociación Cultural Axouxere de Roupar, de Xermade, coñecerán Sober e Foz, respectivamente. Os primeiros foron recibidos polo Deputado de Medio Ambiente, Carlos López, no Centro de Interpretación Terras do Miño antes de emprender viaxe, e os segundos, no Pazo de San Marcos polo Deputado de Promoción Económica e Social, Pablo Rivera Capón.
Este xoves, a Asociación de Veciños Entre Carris, de Lugo, elixiu como destino Mondoñedo; mentres que a Asociación de Veciños de San Cosme de Nete, de Vilalba, Monforte de Lemos.
Por último, o venres a Asociación del Cuarto Ciclo del Campus de Lugo Universidad de Santiago de Compostela, de Lugo; e a Asociación Veciñal de Vilapene, de Cospeito, rematarán a semana descubrindo A Mariña. O grupo da capital lucense coñecerán os atractivos do municipio de Burela, mentres que os do colectivo de Vilapene de Cospeito percorrerán os encantos de Barreiros e Ribadeo.
O programa Coñece a túa Provincia inclúe, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas realízanas profesionais que contan coa habilitación de guía oficial de turismo de Galicia e persoal de atención ao público nos diferentes museos, empresas ou obradoiros sinalados nos itinerarios do programa.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
