A peche brasileira cerra un capítulo glorioso de nove tempadas nas que axudou a conquistar 4 ligas, 6 copas da Raíña, 5 supercopas, 4 copas Galicia, 1 Recopa e 1 Champions
Burela, 10 de xuño, 2025. A brasileira Cilene non seguirá no Burela FS e este verán pechará un ciclo glorioso de nove tempadas nas que a peche paulista axudou a conquistar 4 títulos de Liga (19/20, 20/21, 22/23 e 23/24), 6 Copas da Raíña (2019, 2020, 2021, 2022, 2023 e 2025), 5 Supercopas (2020, 2021, 2022, 2023 e 2024) e 4 Copas Galicia (2019, 2021, 2023 e 2025), así como as oficiosas Recopa de Europa (2019) e Futsal Women’s European Champions (2021).
Cilene Pereira Paranhos (São Paulo, 1984) chegou ao Burela FS en setembro de 2016, cando xa contaba con 32 anos, para apontoar un plantel que perdera moito potencial coas saídas de xogadoras tan importantes como Peque, Maite, Gaby ou Claudia. Cunha sólida carreira xa ás súas costas no seu país, tralo paso por equipos como o Jaguaré, o Kindermman, o São Bernardo ou o São Bernardo, a Pentacampeona mundial con Brasil -torneos oficiosos- e declarada como mellor xogadora do Mundo en 2008, achegou desde o primeiro momento a súa experiencia, oficio e calidade a un grupo moi novo e que, a pesar de todas as saídas, conseguiu finalizar esa campaña nunha máis que meritoria cuarta praza en Liga. A peche destra destacou sempre polo seu manexo do balón, a súa temperanza, a súa calidade de pase e a súa intelixencia á hora de interpretar o xogo.
Coa chegada de novos e importantes reforzos durante as tempadas seguintes, a lendaria peche brasileira pasou a gozar dos anos dourados do conxunto feminino, sendo moi importante sempre nos éxitos laranxas, como naquela lembrada final de Copa da Raíña disputada nun pavillón de Vista Alegre cheo ata a bandeira en xuño de 2019 diante do Futsi e na que a brasileira anotou o tanto definitivo na quenda de penaltis que iniciou o histórico ciclo vitorioso da entidade burelista. Ese mesmo ano tamén se alzaba en Paraguai coa súa quinta Copa América de seleccións.
Así mesmo, Cilene coñeceu a cara máis amarga do deporte en Burela, cando precisamente noutra final rompía o tendón de Aquiles. Foi en xaneiro de 2021, cando as mariñás alzaban arroupadas pola Familia Laranxa no seu pavillón o título de campioas da Supercopa diante do Poio Pescamar (2-0). Nos instantes finais, a paulista caía lesionada e perdíase o resto da tempada, volvendo á competición en outubro dese mesmo ano.
Nestes últimos cursos, Cilene, aínda gozando de menos minutos progresivamente, continuou sendo unha peza fundamental nos esquemas de Julio Delgado e un espello de profesionalidade no que mirarse as novas futbolistas que ían chegando á disciplina burelista. Desde o club non podemos menos que agradecerlle todo o traballo, esforzo e compromiso demostrado nestes nove anos e desexarlle a mellor das sortes no futuro, tanto a nivel deportivo como persoal.
Despedida de Cilene
A brasileira envioulle unha fermosa mensaxe de despedida á Familia Laranxa:
“Que tristes son as despedidas e cos ollos cheos de bágoas e o corazón roto despídome dun dos capítulos máis destacados da miña vida. O equipo que me acolleu, me ensinou e me fixo crecer como deportista e persoa. Non é fácil poñer en palabras todo o que vivín e sentín nestes nove anos, pero despídome co corazón cheo de gratitude e amor. Cada adestramento, cada partido, cada conversación quedará comigo para sempre. Foron momentos de superación, vitorias suorentas, derrotas que ensinaron e, sobre todo, unha familia que se creou: Familia Laranxa.
Agradezo a cada unha das miñas compañeiras que estiveron ao meu lado en cada paso desta viaxe, tamén deixo o meu agarimo ao corpo técnico por crer en min, guiarme e desafiarme a ser mellor cada día. Á afección, que sempre estivo presente alentando con amor e apoiándonos, sobre todo nos momentos máis difíciles. O agarimo de vostedes marcou toda a diferenza. Aquí sentinme en casa, estiven na casa, é a miña casa. O meu Burela, grazas por todo!!!”
“Crisálida” é unha peza que combina emoción, reflexión e entretemento, ofrecendo unha experiencia escénica que promove valores de igualdade e transformación persoal. A actividade enmárcase dentro da programación do Área de Muller e Igualdade do Concello de Xove, en colaboración co Ministerio de Igualdad, o Goberno de España e o Pacto de Estado contra a violencia de xénero. O acceso é libre e gratuíto ata completar aforo. Desde o Concello de Xove, convidan a toda a veciñanza a participar e a gozar dunha tarde de cultura compartida, reforzando o seu compromiso cunha sociedade máis xusta, inclusiva e igualitaria.
Tiña 68 anos. Os seus restos son velados no tanatorio de O Valadouro. O enterro terá lugar este xoves. Este mércores ao mediodía, a Corporación Municipal xunto con membros da Corporación do Concello do Valadouro e compañeiros de partido, traballadores do Concello e veciñas e veciños realizaron un acto na memoria do tamén Primeiro Tenente de Alcaldesa do Concello de Alfoz. Efigenia Maseda pronunciou unhas palabras e gardouse un minuto de silencio. O acto rematou con aplausos en recordo de Jorge Val
O Concello de Xove, coa colaboración do IES Illa de Sarón, organizou esta proxección sobre a mobilización contra o proxecto de construción dunha central nuclear no municipio nos anos setenta. Tivo lugar este luns 10 de xaneiro no Salón de Actos. Ademais do alumnado e profesorado do IES de Xove, tamén asistiu público interesado neste episodio.
Fíxoo cunha exhibición de ximansia rítmica e de patinaxe artística que tivo lugar no pavillón do CEIP de Cervo e que contou coa participación da alcaldesa, Dolores García Caramés, e do edil de Deportes, David Rodríguez, que fixeron entrega dos diplomas e dun detalle a cada unhas das crianzas que asistiron neste curso ás escolas que tamen contaron con outras disciplinas como voleibol, multideporte ou balonmán.
Será ás 20 horas. Ricardo Aller de Dios é un artista visual cuxa obra se desenvolve entre a fluidez da acuarela e a solidez da cerámica. A súa práctica explora a relación entre o efémero e o permanente, a cor como ferramenta emocional e a conexión entre os elementos naturais e a forma humana. A través da acuarela, investiga a transparencia, a mancha e o azar como linguaxes expresivas, mentres que na cerámica atopa un espazo de construción pausada, táctil e meditativa, en diálogo coa terra e o lume. A exposición poderá visitarse ata o 14 de Xullo.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Entre os participantes destacou a presenza do Excmo. Sr. Bispo de Mondoñedo Ferrol D. Fernando García Cadiñanos. Tamén participaron membros de Cáritas diocesana de Ferrol. O camiño foi un descubrimento para moitos, con paraxes diferente nos seus 7 Km de percorrido.
