Desde o BNG instan ao Concello e á súa alcaldesa a actuar de inmediato para frear este novo ataque á sanidade e a saúde dos veciños e veciñas de Cervo.
Cervo, venres 27 xuño 2025. Xs nacionalistas explican: “A deriva á que o Partido Popular está conducindo a sanidade e especialmente a Atención Primaria na Mariña vese agravada no día de hoxe co anuncio feito pola dirección da Xerencia Sanitaria no que comunican que a partir do 7 de xullo queda unha soa médica para a atención dos dous centros de saúde do concello: o de Cervo e o de San Cibrao, puntualizando ademáis que durante o mes de xullo non haberá servizo médico ata as 10:20 e suprímese a actividade programada (citas previas) e atenderase no mostrador, por orde de chegada e según gravedade ata as 15:00. E no caso de que a esa hora quedaran pendentes de atención pacientes, dáselles a opcion de ir ao PAC ou volver ao día seguinte”.
A solución do Partido Popular para a sanidade: “Vuelva usted mañana”
Desde o Grupo Municipal do BNG en Cervo, Diego Fernández e Zulema Murado mostraron o seu rexeitamento total a esta nova medida do PP que, din, “se encadra no programa de desmantelamento da Atención Primaria que os populares están levando a cabo na comarca” e instan á alcaldesa a actuar na defensa da sanidade pública e da saúde dos seus veciños e veciñas.
@s concelleiros nacionalistas referíronse tamén ás “contínuas mentiras do PP, respaldadas día tras día polo Conselleiro de Sanidade coas súas vergoñentas declaracións nas que fala dunha idílica situación da sanidade na comarca cando a realidade é todo o contrario como desgrazadamente puidemos comprobar hoxe” afirmaron, e manifestaron tamén que “xa se ve cal é a solución do PP para a sanidade: volver aos tempos do “vuelva usted mañana”.
“A alcaldesa de Cervo defende os intereses partidarios do PP, non os da veciñanza”
O portavoz nacionalista Diego Fernández referíuse tamén ás cínicas posturas do Partido Popular e da alcaldesa no tema da sanidade: “esta alcaldesa oponse sempre a demandar calquer mellora para a atención primaria ou para os servizos hospitalarios cando levamos propostas aos plenos, tal como fixo no pleno do pasado mes de abril, no que incluso se dedicou a difamar á Plataforma en Defensa da Sanidade Pública da Mariña, e polo tanto a todos os cervenses e mariñaos que participan en mobilizacións pola sanidade”, afirmou, engadindo que a prioridade da alcaldesa e o seu equipo de goberno son os intereses do seu partido e non a saúde dos seus veciños e veciñas.
Por todo esto instan á alcaldesa a exercer como tal e defender os interes da veciñanza de Cervo, especialmente neste tema tan importante como é o da sanidade. Recordan tamén a importancia de mobilizarse, pois algún pequeno “parche” que puxo o SERGAS na deteriorada sanidade pública mariñá foi debido a forza de mobilizarse a cidadanía.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
