Ribadeo, 22 de xullo de 2025. A VII Carreira Nocturna Rinlo-Ribadeo, que terá lugar o 23 de agosto, foi presentada hoxe no Pazo de Ibáñez con asistencia de representantes do Concello de Ribadeo, da Xunta de Galicia, da Deputación de Lugo e de Acisa, así como con patrocinadores e membros do Club Atletismo Ribadeo.
Son 14 as categorías que inclúe esta carreira, consolidada no calendario de verán da Mariña lucense. As categorías dende pitufo ata alevín terán lugar arredor do parque San Francisco, infantil e cadete sairán dende o Faro da Illa Pancha e a proba absoluta de 9 quilómetros sairá dende a vila mariñeira de Rinlo ata Ribadeo, con meta diante do Concello. Ata o día de hoxe, segundo informa o club organizador, son 252 as persoas inscritas. O prazo para anotarse remata o 20 de agosto ás 23:59 horas.
Tod@s @s participantes levarán unha bolsa do corredor con diversos agasallos. Na proba absoluta terán dereito a unha camiseta sublimada tod@s aqueles/as que se inscriban antes do vindeiro 31 de xullo como así mesmo poderán escoller entre o agasallo dun frontal ou uns calcetíns personalizados co nome da carreira. Na proba absoluta é obrigatorio levar frontal de luz e recomendable o uso de reflectores, explicaron desde o Club Atletismo Ribadeo.
Os dorsais entregaranse o mesmo día da carreira en Deportes Docobo dende as 10:00 ata as 13:00 horas e dende as 16:00 ás 19:00 horas. Haberá duchas e servizo de transporte dende Ribadeo a Rinlo. Os horarios serán publicados no facebook do Club Atletismo Ribadeo.
O concelleiro de Deportes, Francisco José Silvent, anima a inscribirse: “aínda quedan días para poder anotarse e participar nesta carreira, que xa temos todos marcada no calendario de citas importantes do verán e que non podemos perder. Agardamos que a disfruten e que o pasen moi ben en Ribadeo. Aquí a actividade deportiva non descansa”.
No acto de presentación participaron o alcalde, Dani Vega, o concelleiro de Deportes, Francisco José Silvent, o xefe do Servizo Provincial de Deportes da Xunta en Lugo, Manuel Otero, o deputado responsable da Área de Rural, Mar e Mocidade, Dani García, a presidenta de Acisa, Carmen Cruzado, o xerente do colectivo empresarial ribadense, Jesús Pérez, así como representantes das firmas patrocinadoras e do Club Atletismo Ribadeo.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
