Desde este martes, os socorristas velan pola seguridade dos bañistas durante toda a tempada estival
Cervo, 1 de xullo do 2025. A Praia do Torno, en San Cibrao, xa exhibe a súa Bandeira Azul para este verán, tras o acto de izado oficial celebrado durante a fin de semana, este domingo. O galardón, que outorga a ADEAC, certifica a calidade das augas, a seguridade, os servizos e o respecto ambiental deste areal que verán tras verán é un referente na Mariña.
No acto participaron a alcaldesa de Cervo, Dolores García Caramés, a concelleira de Medio Ambiente, Mali Méndez, os concelleiros Adrián Arias e Alfredo Fernández, e membros da asociación Mar de San Ciprián.
A alcaldesa, que puxo en valor o traballo realizado para manter os estándares de calidade que esixe este recoñecemento, subliñou a importancia deste distintivo para o municipio porque “a Bandeira Azul non só acredita a calidade ambiental da nosa praia, senón que é tamén un compromiso con veciños e visitantes para ofrecer un espazo seguro, limpo e con servizos de primeiro nivel. É un orgullo para nós manter este recoñecemento ano tras ano”.
En materia de seguridade, o Concello confirmou que os socorristas empezarán a traballar este mesmo martes, día 1 de xullo garantindo vixilancia e atención ás persoas usuarias durante tres meses, coincidindo coa tempada alta de verán.
Desde o Concello de Cervo convidan a toda a veciñanza e visitantes a achegarse á Praia do Torno, pero tamén a descubrir e gozar dos demais areais do municipio, todos eles espectaculares e cunha beleza única, que fan de Cervo un destino litoral privilexiado na Mariña lucense.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
