Proxectaranse tres películas este venres, sábado e domingo ás 22:30 horas na Praza da Pulida
Cariño, 24 de xullo, 2025. O Concello de Cariño organiza un ano máis o ciclo ‘Cinema na Rúa’, unha iniciativa que levará a proxección de varias películas ás rúas do municipio. Será esta fin de semana, dando inicio o venres 25 de xullo e finalizando o domingo día 27.
Con esta proposta, que conta coa colaboración da Deputación dá Coruña, búscase dinamizar a actividade cultural do concello. Proxectaranse un total de tres películas para todos os públicos, escollidas para gozar dunha sesión de cinema en familia. Todas as proxeccións terán lugar na Praza dá Puída a partir das 22:30 horas e contarán con entrada gratuíta ata completar o aforo total.
O ciclo dará comezo o venres 25 de xullo con ‘Wonka’, unha precuela do coñecido filme ‘Charlie e a fábrica de chocolate’ na que se narran os inicios do excéntrico chocolateiro Willy Wonka ata converterse no dono da famosa fábrica.
Posteriormente, o sábado 26 de xullo, será a quenda da proxección da película ‘Campeonex’, secuela da película ‘Campións’, unha comedia dramática deportiva que conta a historia de como o popular equipo que protagonizou a primeira película pásase ao atletismo, descubrindo as esixencias desta nova disciplina.
A programación do ciclo ‘Cinema na Rúa’ finalizará o domingo 27 de xullo coa proxección da película ‘Pérez 2’, na que a curiosidade dun neno que non cre na maxia fará que o popular rato caia nas mans dun empresario, iniciando unha aventura para liberalo.
Desde o Concello de Cariño anímase a todas e a todos, veciños e visitantes, a acudir á Praza da Pulida durante a fin de semana para gozar das sesións de cinema familiar.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
